Абердин ги прогласи најдобрите за оваа сезона, а наградата за играч број 1 отиде во рацете на Бојан Миовски.
Тој практично доби две награди за најдобар играч на сезоната. Првата по пат на гласање од страна на соиграчите, а за втората го изгласаа навивачите.
И тоа е сосема заслужено, бидејќи се работи за главниот адут на тимот кој оваа сезона има фантастични 24 гола и 4 асистенции на сите натпреварувања.
Од нив 14 се во шкотската Премиер лига каде котира како трет стрелец зад Лоренц Шекленд од Хартс со 21 и Џејмс Таверние од Ренџерс со 17.
„Преплавен сум од емоции од вчера и искрено во овој момент не би можел да бидам поблагодарен. Благодарност до сите мои поддржувачи кои гласаа за мене, ми покажавте колку многу ви значи тоа што го правам кога сум на теренот. Овие две награди ми докажаа дека сè што сум направил од срце за овој тим е ценето и ќе продолжам да правам сè“, напиша Миовски.
Инаку и машките и женските награди беа доделени на свечена церемонија со повеќе од 1.000 присутни и како што информираат од Абердин ова е најголемата банкет вечера што некогаш била одржана на тоа место.
The 2023/24 Players' Player of the Year, sponsored by RAM Tubulars, is our no.9⃣, Bojan Miovski!
— Aberdeen FC (@AberdeenFC) April 25, 2024
Well deserved @bojanmiovskii 👏#StandFree 🔴 pic.twitter.com/l376xDOBSy
Големо признание за Бојан Миовски: во тимот на сезоната во Шкотска
