Носен од Столе Димитриевски Рајо Ваљекано по којзнае кој пат му зема бод или бодови на Реал Мадрид или Барселона.
Македонскиот голман беше јунак на мечот. Имаше неколку фантастични одбрани од кои две го направија играч на мечот.
Првата шанса на Реал Мадрид дојде после само шест минути фудбал кога Федерико Валверде искористи еден голем пропуст на фудбалер на гостите и тргна сам пред македонскиот голман, но Столе одбрани зицер кој ќе биде сигурно прогласен за одбрана на колото.
▶️ @Dimitrievski1 ante Valverde ⛔️#RealMadridRayo #LaLigaHighlights pic.twitter.com/vk5ExFS6L4
— Rayo Vallecano (@RayoVallecano) November 5, 2023
Пред полувремето Димитриевски одново сјајно реагираше со бравурозна парада. Акцијата ја поведе главната ѕвезда на Реал, Винисиус Жуниор по лева страна, додаде до Хоселу а овој шутираше од прва под пречката но македонскиот голман бранеше беспрекорно.
🔥 @Dimitrievski1 🔥#RealMadridRayo #LaLigaHighlights pic.twitter.com/IQWBCnVB9O
— Rayo Vallecano (@RayoVallecano) November 5, 2023
Карло Анчелоти се обиде да освежи од клупата, на терен влегоа Крос и Родриго но Столе Димитриевски беше решен да му донесе бод на гостинот.
Во еден момент Македонецот се обиде да го намести Винисиус за картон но се испостави дека немало контакт и дека Столе изглумил:
Тука настана и метеж во кој Бразилецот му се заканувал на Димитриевски.
Реал Мадрид имаше целона иницијатива во финишот но нашиот репрезентативен голман покажа дека е во фантастична форма пред репрезентативната пауза. Тој беше прогласен за играч на мечот.
Man of the Match Real Madrid vs Rayo Vallecano: Stole Dimitrievski https://t.co/RB3Nnoj5qZ
— Bola (@Bolanet) November 5, 2023
Рајо Ваљекано успеа да освои бод во Мадрид и сега со 18 бода е на 9. место. Реал Мадрид има 29 бода и го отстапи првото место на Жирона.
Како Винисиус му се заканувал на Столе Димитриевски?
