Веб порталот „Bsports" врз база на своите податоци од сите натпреварите во Лигата на шампионите во последните 10 години, како и од сите екипи од домашните првенства кои се учесници на ова натпреварување ги претстави шансите на екипите за освојување на првото место во групната фаза, пласманот во следниот круг и освојувањето на пехарот.
Најголемите шанси за титулата одат за Каталонскиот тим со 21,3%, потоа следи актуелниот европски првак Баерн со 18,9%, а трет е Реал Мадрид со 16,9%. Шанси за радост во Лисабон 2014 потоа имаат три англиски екипи. Челси со 8,9%, Манчестер Сити (7,2%) и Манчестер Јунајтед (6,4%).
Како победници во групите шансите за дел од екипите изгледаат вака. „Црвените ѓаволи" со Дејвид Мојс се фаворити во А групата со шанси од 84,8% дека ќе одат во следната фаза, а со 60,90% дека ќе се пласираат како први во групата.
Во групата Ф која е група на смртта најголеми фаворити за пласман помеѓу најдобрите 16 имаат Арсенал (62,6%) и Борусија Дортмунд (60,9%). Шансите за Наполи се 40,70%, а за Олимпик Марсеј 35,80%.
Во интересната група Д каде ќе гледаме дуел помаѓу Баерн Минхен и Манчестер Сити и двете екипи се апсолутни фаворити за пласман во следниот круг, но Баварците со 63,40% имаат речиси двојно поголеми шанси од Граѓаните (33,70%)
Во останатите групи фаворити за првото место се Реал Мадрид, ПСЖ, Челси и Атлетико Мадрид. Комплетната анализа со сите табели можете да ја видите тука, а ова се шансите за освојување на титулата според земји.
