Една од најголемите трагедии во европскиот фудбал се случи кога навивачите на Ливерпул ја пробија оградата и ги нападнаа навивачите на Јувентус. По масовната тепачка се сруши и дел од трибината на стариот стадион изграден во 1930-та година.
Крајниот биланс на трагедијата беше 39 загинати и 580 повредени навивачи.
Финалниот натпревар сепак се одигра со задоцнување од еден час и 27 минути, а Јувентус го победи Ливерпул со голот на Мишел Платини од пенал.
Осудени беа 14 навивачи на Ливерпул, а по барање на Маргарет Тачер, англиските клубови добија забрана за настап во европските натпреварувања во следните пет години.
Британската премиерка воведе нови закони и драконски казни за хулиганите. Една од мерките беше и отстранување на заштитните огради помеѓу трибините и теренот по што британските стадиони станаа едни од најбезбедните во Европа.
