Почетоците на клубот датираат уште од 1897-та година кога неколку студенти од Мадрид помеѓу кои имало и неколку Англичани, го оформиле фудбалскиот клуб Скај.
Три години подоцна тие се поделиле и оформиле два клуба, а еден од нив бил Club Español de Madrid кој пак во 1902-та година повторно се поделил и на 6-ти март претседателот Хулиан Паласиос и официјално го оформува фудбалскиот клуб Мадрид.
Клубот веднаш почнал да реди успеси и првиот трофеј го освоиле во 1905-та година победувајќи го Атлетик Билбао во финалето на шпанскиот куп.
Во 1920-та година кралот Алфонсо XIII му дава кралски шмек на клубот, менувајќи му го името во Реал (кралски) Мадрид. Променето било и клупското лого со додавање на кралската круна над "MCF".
112 години по оформувањето, Реал Мадрид е еден од најуспешните во светот и најуспешен клуб во Шпанија. Реал Мадрид има освоено 58 домашни трофеи од кои рекордни 32 титули во шпанското првенство. Кралскиот клуб бележи и огромен успех на меѓународна сцена освојувајќи рекордни девет титули во Лигата на шампиони, вклучувајќи и пет во серија од 1956 до 1960, три Интернационални купови, два УЕФА купови, еден УЕФА Суперкуп...
