Во февруари, гостин во најгледаниот подкаст на светот, беше интересен тип. Џо Роган го претстави како активист за реформи на казнениот систем и пеналната политика, со многу личен мотив за својот активизам. Дечкото има одлежано 25 години во затвор за доста банално дело. Ни мртви ни нешто слично. Го слушаш и му ја сфаќаш приказната, за недолго после интервјуто, да стигнат вести кои ја менуваат сликата.

Кратка ама мрсна лекција за сите оние кои се убедени дека се хранат здраво ама тоа некако не им е доволно да бидат среќни па ги дрват оние другите трошејќи им го времето во убедувања дека грешат. Добро, со оглед на тоа дека се хранат како гулаби, јасна е таа нивна постојана нервоза и напнатост. А за другиве, да, свињи се. А со кој организам е посличен нашиот, со оној на свињата или со сончогледот?   

Пред интернет ерата, дури 82% од Американците признавале дека во случај на пожар, прво нешто што би спасувале од дома би бил телевизорот. Во Советскиот сојуз (и во целиот источен блок) тој процент сигурно бил и повисок бидејќи дури таму била шема да се има телевизор. Серија фотки од тоа време на горди лица покрај статусниот симбол на нивната ера.  

Еве едно корисно видео за сите оние наставнички и останати девојки и жени кои ќе се наполнат дома со цвеќиња за Осми март. Човеков ги пробува сите веријанти за кои слушнал или прочитал, на тема што треба да се стави во водата од вазната, за цвеќето да издржи најдолго. Нема да ви кажуваме спојлер ама Редбул не е. Редбул? Да, и таков муабет имало. 

Водителот и политички коментатор на MSNBC, Џо Скарбороу, влезе во таков севдах за својот имењак Џо Бајден што и неговите колеги од државната телевизија на Северна Кореја би позавиделе. Вика: „Овaa верзија на Бајден (онаа што ќе излезе и годинава на избори - н.з.), интелектуално и аналитички е најдобриот Бајден од сите Бајдени досега.“

Казахстанската анти-корупциска организирала бесплатна прошетка и предавање во локалните затвори за новата постава казахстански функционери и чиновници од блиску да се запознаат со ќелиите во кои ќе лежат ако бидат фатени на крадење или се огрешат во работата.

Одлична реклама на стариот ексцентрик за електричен модел на БМВ. Насловот на кампањата е „Talkin Like Walken“. Ако по нешто е препознатлив стариот, тое е неговото чело, денс движењата и начинот на кој зборува. Значи челото и денсот на страна, во рекламата Вокен се среќава со луѓе кои зборуваат како него. Скроз шармантно. На видеото не му треба бонус, ама ако, нека има бонус. Бонусот е Ашер.  

Од милион музичко-филмски-литературни причини, никогаш нема да престанеме да ја сакаме Америка. Ама дека таа држава е злотвор, злотвор е. Постои нешто што се вика меѓународен поредок, така? На таа - и онака тенка - плетка, се заснова надежта дека во светов сепак постојат некои правила и дека нема сите да отидеме у мајчину. Една од клучните алки во тој поредок се вика Меѓународен кривичен суд (оној во Хаг), така?

40 години поминаа откако Британците Џин Торвил и Кристофер Дин, на Зимските олимписки игри во Сараево ја изведоа оваа легендарна изведба на мраз, на драматичните репететитивни тонови на Морис Равел и неговото Болеро. За многумина, една од најекспресивните и најелегантни изведби видени во овој спорт, на сите времиња. 

Рики Џерваис тврди дека го поседува идеалниот рецепт за вотка и ја има најлошата реклама за неа. Вотката која е негова се вика Дач Барн и се дестилира во северен Јоркшир. Не сме ја пробале па да ви кажеме за тоа. А „најлошата“ реклама ја видовме и одлична е, со онаа префинета а ефикасна британска смисла за авто-иронија и пародирање. Со лекар кој зборува за негативните последици од алкохолот. Пиц-пец.    

Ако сакате да видите како работите ќе тргнат наопаку ако вештачката интелигенција почне да го контролира светот, видете како функционира оној несреќен Џеминај на Гугл, вели Илон Маск. Да, сега ќе го штимаат маните да му биадт помалку видливи но пристрасноста ќе остане бидејќи вештачката интелигенција ги отсликува илузиите на нејзините креатори. Следи одличен пример за морален релативизам. 

На времето во поголемите руски градови една од најчестите злоупотреби на ротација беше плаќање на шоферот на Брза помош да те вози до аеродром со вклучена сирена и ротација, за да куртулиш од сообраќајниот хаос. Во Турција за сега само возачите на најразлични службени возила ги мрзи да чекаат во ред.

Во пресрет на Божиќ 2019-та година, Доналд Трамп ѝ пишува писмо на Ненси Пелоси, првиот човек на Претставничкиот дом на американскиот Конгрес. Ја информира за неговото престојно редовно обраќање до нацијата, малку разглаба за разликите во нивните политики и на  крај ѝ посакува Среќна нова година. Но, кога е во прашање Трамп, ништо не е крај. И да е фејк, јако е.

„Франција стана првата држава во светот која со устав го заштити правото на абортус!“ Вака деновиве консензуално гласат насловите во западниот печат за веста дека францускиот парламент со огромно мнозинство го внесе правото на абортус во својот устав. Браво за Французите, Билобил за сите оние кои заборавија дека некогаш постоеше Југославија.

Јулиан Ропке е германски новинар кој од почетокот на руската инвазија е со про-украински позици. Ерик Принс е поранешен припадник на Фоките, а сега прв човек на платеничката компанија Блеквотер. И двајцата се без оптимистички зборови за Украина.

Шкотот Галовеј од Работничката партија е бучен, правдољубив и зезнат. На скорешните избори ги потепа конкурентите од главните британски партии што за премиерот Риши Сунак беше алармантна и застрашувачка вест. Новинар го запира и му ги реди ставовите на премиерот, сè додека овој брутално не го сосече: Чекај бе дечко, кој победи, малиот Риши Сунак или јас? Зборуваш за него како да е Мојсеј. Дали го почитувам премиерот? Не, го презирам, исто како и милиони други луѓе.

Иако во хрватска кафана нам прв избор ни е Карловачко, Жуја е стварно закон, особено за реклами. Вакви реклами, за подигање свесност за некое прашање, кај се прават на оној најлесен начин, со тестемониали: ќе собереш 5-6 познати фаци и тие во камера ќе кажат, на пример, да не се трпи малтретирање. Оние што работат за Жуја се чекор, два, километар понапред. Ќе видите за која кауза е видеото и како е тоа махерски изведено!

„Господине Лавров, каква е вашата реакција на неодамнешните забелешки на Емануел Макрон за можно праќање европски војници во Украина“?

Јасно е дека за пет години (кога работата ќе отиде бестрага) ќе се чудиме на што сме се чуделе, ама дур сме сега и овде, да си се изначудиме на раат. Уште еден марифет од епархијата на вештачката интелигенција во која се мешаат вокали, ликови, епохи и јазици... На пример, Одри Хепберн пее песна од Ед Ширан, во интерпретација на Саманта Харви.  

Многу интересна илустрација за човековата природа. Двајца инвалиди играат пинг-понг на некој официјален натпревар во нивна категорија. Значи прописни инвалиди, обајцата во инвалидска количка. И сега, од некои кои знаат како е да се живее со некаква физичка попреченост и како е неубаво кога таа некој ти ја искористува, очекуваш од двајцава да играат фер. Не бе, овие намерно се прцаат.

Девојката што зборува е Мона Чалаби, поранешна соработничка на 538 и Економист, а сега ангажирана од Гардијан. Девојката за која зборува е Анат Шварц, поранешна припадничка на израелското разузнавање, а сега авторка на текстови за Њујорк тајмс, меѓу кои и оној во кој се објавува за масовното силување од страна на Хамас кое се случува на 7 октомври.

Како што веќе може да се очекува од ваквите медиумски хајки, човекот не е олигарх, второ роден е во Украина и како дете е преселен во САД, трето има добротворна организација што до сега собрала над 250.000 долари за Украина, и ако нешто значи исто така е и американски воен ветеран. Ама ништо од ова не треба да сопре добар кликбејт наслов.

На 25 февруари 1994 за време на рамазанската молитва, израелскиот доктор со американско-израелско потекло, Барух Голдстин, вооружен влегува во Ибрахимовата џамија во Хеврон и почнува да пука кон верниците. Убива 29 луѓе, некои и на 12-годишна возраст, и ранува дополнителни 125, пред да биде совладан и претепан до смрт од преживеаните.

Пазете го вие овој тренд: се викаат „passport bro“, зашто земаат пасоши (ах, каков луксуз!) за да отидат во странство (Азија, Филипини, Доминикана...) и да најдат нормална жена, пошто домашните не се трпат: разбудени и прогресивни а кенкави и никакви. Притоа вториве се убедени дека нивните конкурентки во странство се необразувани и прости, па после маживе снимаат видевца каков живот живеат и каква премија од партнерка си нашле.