Колку малку му треба на човек пријатно да се изненади и да помисли дека сведочи на вистинска магија.

Традиционален тоталитарен татко: јас подобро знам од тебе што ти сакаш, и затоа во недела мора да одиш кај баба ти на гости.
Пост-модерен неавторитарен татко: не те присилувам да ја посетиш, и би сакал да дојдеш со нас само ако ти така одлучиш.
Жижек објаснува зошто второво е далеку полошо од првото, па продолжува за политичката коректност.

Можете ли да го замислите Скопје без својата прочуена Триумфална капија? Можете ли да замислите како би изгледало кога на плоштад би можеле да гледате само небо наместо изгланцаните јајца на коњот под воин? Врло радо, јелда? Но, некои други градови имаат среќа што обратно би личеле баш штуро (бонус: го додадовме и Скопје без Аце и Самоил).

На видеото е Џавид Карим, еден од основачите на ЈуТјуб. Иначе е во зоолошка. И толку.

Среде овие историски мигови за татковината, да се потсетиме дека и Америка имаше сличен проблем со агресија од Канада. Ако треба да кажеме дека видеото е пародија, тогаш изгледа малку доцниме. 

Приказна за 6-годишниот напор да се организира меч меѓу 5-кратниот и непоразен светски шампион Флојд Мејведер и 8-кратниот светски шампион Мани Пакијао. Мејведер има 38 години, Пакијао има 36. Мечот е прогласен за "Борба на столетието" и ќе се одржи на 2-ри мај.

Можат да заседава труст на мозоци и конзорциум на дигитални гуруа и пак нема да смислат подобра и позабавна игра од ова. Руски рулет на детски начин.

Пред кратко време добив порака од личност која не ја познавам и која во неколку љубезни зборови ми кажа дека е професорка по математика во мојата гимназија, дека организираат 50 годишнина и дека би ги израдувало ако напишам неколку редови кои би им биле прочитани на сегашните ученици за време на прославата. Било што, вика таа, на пример, околу моите учества на натпревари. Го сторив тоа со задоволство, околу 200 збора оти такви прилики не се за предолги приказни (добро го знам тоа бидејќи и мене ми читаа секакви глупости додека со поглед ја барав Радица по салата). Со нешто повеќе детали, ќе ви ја раскажам приказната чија кратка верзија им ја пратив таму.

Шведски кунг фу филм. Шведски кунг фу филм инспириран од мајагери и полициските филмови од 80-тите години. Може ли полошо? И тоа како. Носечката нумера од филмот е во рацете и грлото на колективната ноќна мора од тоа време, Давид Хаселхоф. Песната се вика True Survivor. Ваистина воскресе.

Човеков не е за да работи како полицаец. И не затоа што некој може да му се прикраде од зад грб и скоро четири минути да го снима без овој ништо да посомнева, туку од многу почовечки причини. Снимано е во Националната библиотека на грузискиот парламент.

iHeart е британски уличен уметник кој покажува како изгледа реалноста откако социјалните медиуми ги преземаа нашите животи во кои идентитетот е сведен на хаштаг а човекот на бројот на лајкови и добиени коментари.

На нешто што се нарекува Југо-западен фестивал на косењето во Сомерсвил (да беше по македонска номенклатура ќе беше Косијада во Соверсвил) се одржува натпревар меѓу косач со старомодна коса против косач со оние моторните коси што ги користат кај нас на кеј и по паркови. Ова е дуелот.

Неколку жени со задача да го доловат идеалниот пенис. Не, не да објаснуват вака треба, онака треба, туку да го нацртаат. Чиста работа.

Одиме до најблиската планета до нашава -  Јапонија. Во тој свет исто така постои атмосфера за тв натпревари на талентирани пеачи, но предизвикот за нив е многу поинаков. Треба да отпеат што подобро можат додека - девојка ги шакетира.

Повторно одсвирена една од најубавите песни на Стоунси. Скроз акустична верзија која досега не е слушната и на која Кит Ричардс ги пресвирува и оригиналните делови на Мик Тејлор. Во мај излегува реиздание на култниот aлбум од 71-ва, Стики фингерс, а спотот на Wild Horses е визуелен омаж на оригиналниот омот на Енди Ворхол.

Млад Азијат, набилдан до крајни граници, одушевен од својата телесна масивност, ќе залуди 100 девојки со тоа, oh my gosh.... Предобар.

Од точак имаш педали, ланец, кочници, волан и три тркала. Немаш седиште, веројатно и контра немаш. Дело е на двајца Бугари, Мартин Ангелов и Михаил Кленов, и до сега на Кикстартер има собрано 112.000 долари, од бараните 50.000. Изледа одлично.

Вториот претседателски обид на Хилари Клинтон е најновата фаза во нејзината интересна политичка кариера. Во минута ипол, најважните фази на овој лик и дело.

Започнува петтата сезона на ултра популарната и култна серија Game of Thrones. Кои типови луѓе не треба да се викаат на заедничко гледање?

До сега не објавено видео од последната емитувана епизода од шоуто, во која Кларксон пред камери ја кажува својата страна од приказната за инцидентот по кој е избркан од Топ Гиар (најверојатно заедно со него нема да се вратат ниту Џејмс Меј и Ричард Хамонд).