Видеово е од човек кој пред неколку години ладнокрвно го растресе комплетниот еснаф на поп музиката, и како во показна вежба (нит сте битни, нит нешто посебно ве бива) зема една фолк песна напишана од релативно непозната девојка, ја модификуваше и ја аранжираше како поп песна, која на крај заврши како глобален поп феномен (барем привремено) и со речиси 700 милиони прегледувања на ЈуТјуб. Песната е "Call me maybe", пејачката е Карли Реј Џепсен, а човекот што го направи ова е Џош Ремзи. Сега Ремзи, заедно со својот бенд Марианас тренч, го објавуваат рецептот за правење поп песни.

Самсунг во соработка со Лео и Барнет и аргентинската компанија Ингематика направија згодна и многу корисна алатка која решава многу честа и опасна дилема, кога имаш огромен камион пред себе и не знаеш што се случува напред, дали да тргнеш да го претицаш или ќе те здроби некој од чело..

Сајтов е наменет за една многу посебна група на луѓе со еден многу конкретен фетиш на патики, со бескрајно педантен пристап, ментално индексирање и детално познавање на секој можен модел на патики. Не е за верување дека постојат такви луѓе, се додека не ги запознаеш. Може да ти заличат на секта, ама безопасни се.

Уште не успеавме да изустивме "Што ли ќе биде следно после 3Д принтањето?" а следното веќе дојде и изгледа лудница. Како оној течниот злотвор од Терминатор! Е сега стварно, што ли може да биде следно?

Позицијата е актер во Игра на тронови, со улога - "човек што мафта со гениталиите." Сцената со ликот трае нешто околу 5 секунди, а за ова ќе добие плата од 1.261 евро, плус авионска карта до Хрватска, и доплата за пробите и за празници. (потенцијални спојлери)

Од 2008-ма до 2014-та фотографот Џоно Ротман добива пристап до најголемата банда во Нов Зеланд - Монгрел Моб. Кошмарниве ликови се негови фотографии од членовите.

Од сè што може да се испечати во 3Д, Холанѓаните одлучија да испечатат цел функционален мост во Амстердам. Печатењето треба да почне во септември, a роботите сами треба да ја звршат целата работа и без дополнителна градежна асистенција од луѓе да ги спојат двата брега на реката. Печатењето ќе биде со метал кој роботите на лице место го загреваат до 1.500 Целзиусови степени и ќе го калемат на мостот. По иста основа, роботот / печатач MX3D ќе може да отпечати било што од железо.

Средба на едно девојче со кралицата кое малата цел живот ќе го памти. По што ја памтиш ти таа кралица? По еден бекенд.

Документарен приказ на човечките жртви од Втората Светска Војна кој шокира без да покаже ниту една капка крв. Војната е преужасна дури и кога се доловува со сувопарен инфографички стил во кој луѓето се безлични човечиња а финалниот жртвен биланс е спастрен во педантни колони.

Ветувањето е дека ова е најдосадното вирално видео на светот. Од тебе зависи дали ова ќе го претвориш во најкорисното видео на сите времиња. И како ретко кога, тука стварно можеш на некого да му помогнеш со шерување.

Разгледај малку меѓу видеата на сајтов и ќе видиш изобилие од монтажи и миксови на најразлични теми. Ова што сега имаме да ви го преставиме е сосема ново ниво на монтажа. Дело е на Џоб Вилинс и е за академски цели. Џоб во овие цели го зема филмот Вонземјанин, го спојува со филмот Прометеј (приквел на првиот), и го добива филмот "Derelict" (траење: 2 часа и 29 минути). За филмовите подобро да се вклопат, производот е во црно-бело.

Кога пристигнав во Нов Зеланд за да почнам да снимам како Гандалф, во првата недела од 21 век, Питер Џексон организираше вечера за неколкумина од актерите. За среќа седев до Кристофер Ли, кого го почитував целата моја актерска кариера. Тој беше ангажиран како белиот волшебник Саруман, но неговата прва реченица кон мене беше: „Секогаш мислев дека јас треба да го играм Гандалф. Ја читам Господарот на прстените секоја година, понекогаш и по два пати".

Уште од старт дисквалификувајќи ја нашата држава од каква било конкуренција нa темава (геврек???), собравме неколку мајстори од по свет што имаат достигнато Мајкл Џордан ниво на вештина во својата работа, и Џеј Лено вештина во тинтрање муштерии.

Младите и многу надежни актери, Бен Афлек и Мет Дејмон, во средината на 90-те го имаат едно од најитересните сценарија што го посакува речиси секое студио во Холивуд. Го добива Харви Вајнстајн.

Сите сме исти, освен со оние што не сме.

Како џомба во својот еснаф Сајнфелд разговара со Сет Мајерс како што разговара човек што е премачкан со секој можен неонски отсјај на ноќните програми.

Една од поубавите работи што може да ти се случи после 15 години на интернет, е да изгледаш видео за некој производ и да се почувствуваш како Индијанец што прв пат гледа огледалце во рацете на Колумбо.

Она збори за љубов, он се тепа за фудбал, двајцата се дел од видеото за годинешниот натпревар во Калчо Сторико, оригиналната крвава верзија на фудбал, која се уште се игра во Фиренца секоја година во 3-та седмица од јуни.

Т-боун стек од 3,5 килограми, купен топтан, подготвен топтан, цело парче, не на делови. За дедовците и бабите меѓу нас, 4,97 долари килограм (околу 270 денари) "со коска". Парчето на скара, а на друго место компир, печурки и аспарагус. Ништо екстравагантно, чисто аматерско "фуд порно".

Моментално натпреварот е како да бидеш понавреден, а во исто време и почувствителен на што и да ти кажат или што и да се чувства околу тебе, без притоа задолжително да разбираш за што и како си навреден или се случува.

Извештаите и видеата ја покажуваат немилосрдната решителност на ИСИС да покори и заколе се што им е на дофат на рака. Сепак ништо од ова не ја добиваше и повеќе од заслужената грижа затоа што се случуваше таму некаде далеку, во песокот. Сега се појавија првите снимки од нивни подготовки во урбана средина која не е под нивна контрола. Веќе не е така сеедно.