Васил Тупурковски не беше уникатен социјалистички функционер само затоа што носеше џемпери кога задолжително се носеа одела. Циле не e габаритен човек само по физичкиот волумен туку и по животното искуство и широчината на неговата љубопитност. Чутура од Рибља Чорба пренесува што му раскажал Бодан Арсовски кога до него седнал Циле. Слушнете ја приказната и помислете, што ли би имал да раскаже, на пример, Бојан Маричиќ? 

Градот Никшиќ има службена Лада, ама ја нема. Ладата ја нема година и пол и е пријавена во полиција. Ама и покрај тоа што ја нема и полицијата ја бара, во неа редовно се полни бензин на службена картичка.

Настапот на Крафтверк на фестивалот „Рингишпил на младите“ (1970) во Соест, Северна Рајна Вестфалија, е најраната концертна снимка на пионерите на електронската музика. Таа година се формирани и се во оригиналниот состав. Публиката као малку збунети, ама, малку по малку, го фаќаат ритамот. Ожежи, мајсторе!

Девојката ја научи важноста да се обезбеди и осигура плаќањето пред да се обврзеш на договор. Дечкото е другар на брат ѝ и држи ДВЕ пластични чаши со вода. Понудата му гласи: Ќе ти дадам 20 долари ако ми дозволиш да ти истурам ДВЕ чаши вода врз глава. Таа не гледа проблем во тоа. Тоест гледа, ама малку доцна. 

- Кој е овој човек, како има дојдено овде? - шокирано праша политичкиот коментатор на левичарските „Младотурци“, Ченк Ујгур, за гостинот кој ги заплеска сите оние кои се на пола копје од победата на Трамп. - Овде сум по покана, а дојдов со пасош, му враќа Пољакот Доминик Таржински (десничар, суверенист), член на Европскиот Парламент. Жестоко.

Детска количка е за возење дете, ама за досетливи мајки, има тука место уште за триста работи, особено кога се оди да се пазарува. Жени вработени во маркет пленат и вадат сè што има напикано домаќинката кога решила и таа да види аир од малиот ем неговата количка.  

Во ниту една сојузна држава Камала Харис не успеала да собере повеќе гласови отколку нејзиниот шеф во 2020. На локално ниво има по некоја област во која го претркала, меѓутоа на сојузно се 50 спрема 0.

Милиони од гласовите што завршија на контото на Трамп не се за него директно, туку се против десетици работи што изминативе години беа натурани како нормални и разбирливи.

На светов постојат преваранти, големи преваранти и уметници. Еден од нив е Салваторе Гарау кој има продадено скулптура за 18.000 доларчиња, со тоа што скулптурата е невидлива, тоест скулптура нема! Ама махери се за објаснување на „концептот“: „Гарау го оспорува поимот на физикалност во уметноста. Вакуумот не е ништо повеќе од простор полн со енергија, па дури и да го испразниме, останува да важи принципот на неопределеност на Хајзенберг“. Да повториме: скулптура нема!

Додека Бил Гејтс сака да ги вакцинира кравите за да не испуштаат многу метан, во Велика Британија донеле закон за наследство кое ги опфаќа и земјоделците и фармерите и бара секој фармер кој ќе сака да го остави имотот на своите деца, да плати за тоа. Девојката од видеото вика дека данокот е 20%.  Кој сака повеќе до дознае на темата, нека гугла. Ние би да ви го покажеме селанчето. Капка.

На денешен ден во 1929 година, во војводинското место Ердевик е родена Мира Бања, легендарна глумица, веројатно најголемата жива ѕвезда од југословенскиот филм. На театарската сцена беше одлична партнерка на чудесниот Зоран Радмиловиќ а на филмското платно беа извонредна двојка со фасцинантиот Данило Бата Стојковиќ. На 95 години Бањац е активна но живее мирно и се грижи за болниот син. 

Во поплавите во Валенсија загинаа речиси 220 луѓе, башка уништените животи и милијардите евра штета направена на жителите во регионот. Тој со чадорот е кралот, тој во џипот е премиерот.

Сакајќи да демонстрира луцидна перцепција и да покаже дека тој истражува подалеку од другите, репортер на Њујорк Тајмс забележува дека крајните десничари од групата „Proud Boys“ биле горди што Такер Карлсон носел црно-златна вратоврска на митингот на Трамп во Медисон сквер гарден, што се нивни официјални бои. - Дали со тоа ги подржувате? - прашува тој. -  Ме фати жив, умен тој - му одговара Карлсон.

Рики Џервејс ги трола оние инфлуенсери и други ѕвезди кои не само што решаваат политички да подржат некого туку притоа фаќаат да објаснуваат колку е тоа важна историска одлука, како е неопходно да победи вистинската опција, како ќе се отселат од земјата ако победи другиот.... На таквите не треба ни да им смислуваш ништо посебно, доволно е само да ги повториш нивните зборови, за да сфатат колку надмено и глупо звучи тоа. Ваљда.

Ден по изјавата на Бајден дека фановите на Трамп се ѓубре (види овде), изјава која е толку несреќна што се толкува и како одмазда на Бајден за Камала бидејќи со оваа изјава тој му сервира победа на Трамп, златокосиот се возеше по Америка со брендиран камион за ѓубре, држеше митинг облечен како ѓубретар а неговиот поддржувач Вивек одработи смена во комуналното. 

Новинарски ведети и тешкаши од CNN, MSNBC и слични „бањати“ медиуми се редеа пред екран за да ја изразат својата згрозеност и огорченост од тоа што стендап комичарот кој го отвори митингот на Трамп во Медисон Сквер го нарече Порторико пловечки остров од ѓубре. Приказната ја закуца и затвори (во сосема друг правец) Дементниот Џо кој симпатизерите на Трамп ги нарече - ѓубре.

„Жозелин, ти си најубавата жена на светот!“ ѝ вика папарацо новинар на швајцарската богаташка и џет-сетерка Жозелин Вилденштајн, откако таа во Париз го покажа своето ново, најново, чичка ново лице. Ете, така тоа функционира. Некој ќе им каже (или ќе им напише во коментар на Фејсбук) дека се најубави и тие стварно ќе поверуваат во тоа. За среќа, многу од оние што се лабилни како Жозелин, немаат толку пари за да се унаказат како неа.

Претседателот на Ел Салвадор, Најиб Букеле, соопшти дека полициското разузнавање дошло до информации дека во едно предградие на главниот град Сан Салвадор, се кријат луѓе од една  банда. А потоа го објави ова видео во кое ќе видите како е реагирано: со 2.000 војници и 500 полицајци, за да се извлече секој од бандата, до последен. Претходно предградието било опколено со мрежа. 

Со оглед на тоа што легендарната Голф Двојка беше лансирана во праисториската 1983 година, не е чудно до 2024 година да ја изеде 'рѓа. Газдата на овој комад имал баш таков проблем, особено со подот на Голфот кој веројатно бил скапан. После овој сервис гарантирано веќе никогаш нема да има проблеми со 'рѓа. Со црви, тоа е друга работа.

Викторија Нуланд, божицата на војната и биолошките лаборатории во Украина, ретко ужасно човечко суштество и заедно со Хилари и Олбрајт, почесен член на најгеноцидното женско трио што некогаш излегло или владеело со САД.

Малиот се вика Габриел и веќе е планетарно познат на мрежите по својата неверојатна надареност да ја изгуби секоја игра во која учествува. Неговите прават наградни игри со детски поклончиња за него и другите деца од маало а нашиов е апсолутен баксуз во секоја нив и успева да го извлече она што е најшакрт. Габриел не поднесува лесно пораз, ама, се навикнува.

Авторите од Вајркатер на Њујорк тајмс, луѓе кои се смараат со правење листи на секакви производи, нивно тестирање и рангирање, стигнале до заклучок, и стојат зад него, дека садовите пред ставање во машина не треба да се гланцаат, туку само да се испразнат, бидејќи на детергентот му треба нешто валкано за да се фати.

Многу е тешко да не се подлегне на песимизам кога човек опишува или се обидува да заклучи што се случува. Од Јувел Харари, Клаус Шваб, политиката што ја води нашата влада, руската влада, политиката што ја водат Американците, човек многу лесно може да падне во депресија. А депресијата е крајната станица на нарцизмот.

Митко Панов е наш човек, од Скопје, кој ја напушта татковината после отслужувањето на воениот рок во ЈНА. Цимнат од старите слики од војска, долги години подоцна, од Њујорк се враќа овде, за да ги лоцира и најде другарите од класата септември, 1981 година. Ако тоа не ви е тематски и генерациски блиско, баталете, ако е, документарниот филм „Јарани“ ќе ве наполни со емоции. Судбини, судбини, судбини....  

а