Основани во 1967, Sly and the Family Stone (бендот во кој Слај беше комплетен автор, аранжер и продуцент) беше првата голема група која имаше микс од црнци и бели, мажи и жени. Френетични труби, гитарски рафали и ритми како локомотива. Фанк, џез, соул, психоделичен рок, што ти душа сака.
До 1974 година имаа десет Топ 40 хитови на Билборд листата. А потоа Слај ги отвори портите од царството на дрогите на што му терцираа серија ментални проблеми.
Со години, безброј изведувачи сакаа да изгледаат и да звучат како „Слај и Фемили Стоун“. Хитот на „Џексон фајв“, „I Want You Back“, и „I Can't Get Next to You“ на „Темптејшнс“ се едни од многуте песни што ги имитираа вокалните и инструменталните аранжмани на Слај. Препознатливата мешавина од џез, рок и фанк на Мајлс Дејвис, „Bitches Brew“, беше инспирирана од Слај, а Херби Хенкок дури наслови и песна по него.
Влијанието на Слај трае со децении. Креаторот на Парламент- Фанкаделик, Џорџ Клинтон, беше следбеник на Стоун. Принс, Рик Џејмс и Black Eyed Peas беа меѓу многуте изведувачи обликувани од Слај, хип-хоп артисти ги семплираа неговите рифови, од Бисти Бојс до Др. Дре и Снуп дог. Трибјут албум од 2005 година ги вклучуваше Марун 5, Џон Леџенд и Рутс.
Годинава во јануари, Квестлав објави документарец “Sly Lives! (aka The Burden of Black Genius).”
Четири преработки на песни кои се негови а ќе ви звучат познато:
********
********
********
