Евровизија беше и помина. Кога ние не сме таму некако поминува полесно затоа што ги избегнуваме сите оние хистерии и дилеми дали ние пративме глупа песна (да) или пак гласањето е комшиска намештаљка (да). Австралија да ти дала нула поени за Израел и ете ти знак за тревога која стигнува до нивниот Сенат. Зошто дале нула, како тоа, кој го составувал жирито... Австралија беше грозна за време на пандемијата, таква и си продолжи. 

Фановите на Ферари и неговите безвремени дизајни се шокирани од изгледот на првиот електричен автомобил на легендарниот бренд чиј изглед му беше доверен на поранешниот дизајнeр на Епл (види: Се превртуваш ли, Енцо?). Патем, за аутцето бараат 640.000 долари a има домет колку од Скопје до Белград. Меѓу шокираните е и некогашниот прв човек на Ферари, Лука ди Монтеземоло.

Конечно нешто квалитетно и смешно од Џими Кимел. Дечкото предолго беше уфилман дека управува со политичкото мислење во земјата па му се случуваа нервни сломови на сцена, секогаш кога неговите прогнози дека Трамп е готов ќе се изјаловеа. Ни овој клип не е без политичка порака (напротив) ама е барем добар.   

Новото Ферари (Luce, електрично) личи само на уште еден кинески автомобил. Ништо од храброста и префинетоста на дизајните на Пининфарина. Овој дизајн е на агенцијата LoveFrom, основана од поранешниот дизајнер на Епл, Џони Ајви. Дизајнот го ц'цкале половина децeнија. Ферари си го уби брендот исто како Јагуар пред некое време. 

Работник на фабричка лента за сортирање имал дуел со робот што ја работел истата работа. Победил човекот со тесен резултат: во просек му требале 2,79 секунди за пакет, додека роботот трошел 2,83 секунди на пакет. Незадоволни од поразот, овие од „Екипа робот“ го оставиле роботот на лента и тој беспрекорно одработил дури 200 часа на лентата, сортирајќи без ниедна грешка 259.000 пакети. Ни веце, ни пауза за цигара, ни ништо.   

На одјавата на Стивен Колбер и неговото шоу (после 11 сезони и вкупно 1.801 епизоди) дојде и Брус Спрингстин во знак на поддршка на „првото шоу кое го изгубивме затоа што претседателот не знае да истрпи шала.“ Ги запука и газдите на телевизијата CBS (преку Парамаунт), Лари и Дејвид Елисон кои „мислат дека треба да бацуваат нечиј газ за да го добијат тоа што го сакаат“.

„Замислете Русија или Иран среде Медитеранското море да грабнуваа бродови и да киднапираа европски државјани“ ѝ кажа шпанска европарламентарка на Каја Калас прашувајќи ја дали планира да мрдне со прст во одбрана на луѓето од флотилата за Газа кои беа киднапирани, врзани и понижувани од израeлските власти, вклучително и од нивниот министер Бен Гвир.

Мразиме стереотипи за машко-женските односи освен - кога ни одговараат. Добро, знаеме дека секакви ги има во сите табори, множества и подмножества ама оваа теза држи вода. Како да изгубиш добар човек? Така што ќе го напнуваш за сенешто. Кога човек доаѓа дома, бара мир и пристојно засолниште од хаосот од кој штотуку избегал. Не бара уште едно воено поле за бескрајни битки. Амин.  

Феликс Хофман, хемичар во компанијата Бајер, ги има синтетизирано аспиринот и хероинот речиси во исто време, во само десетина денови во 1897 година. Аспиринот бил пуштен како „предгрупа“ и загревање на публиката за фаворитот хероин, кој се рекламирал и продавал првенствено како сируп против кашлица, но, помагал и за несоница. Врвната наука во тоа време го оценила како безбеден и за деца.

Бирмингем некогаш беше симбол на англиската индустриска револуција, од таму се Ози Озборн, момците од Дуран Дуран, Џејмс Ват, Џ. Р. Р. Толкин... Неодамна во градскиот совет се одржа инаугурација на Закир Чоудри кој ја понесе најважната церемонијална титула во градот, „Lord Mayor“ и „Прв граѓанин на градот“. Соодветен верски клерик го поздрави со пригодна, тоест божја реч. 

Заради вакци сцени, не фаќа жал ем греота за тоа познатите. Во случајов, Џенифер Лопез. Треба ѕвездата да излезе од хотел, ама не е гламурозно да се меша со обичен народ (меѓу кои и мајка со дете), па ко попче чека да се расчисти коридорот од плебсот, за да може таа сама да излезе пред папараците кои ќе викаат: Уау, уау... Оти па ние кога ќе го видиме тоа, ќе помислиме дека ѝ е златна. 

„Добредојде во пеколот“ ѝ кажа на една активистка израелскиот министер за национална сигурност Бен Гвир, кој заедно со министерот Смотрич се најголемите гадови во владата на Нетанјаху. А потоа ги исмејуваше, провоцираше и понижуваше притворените активисти од флотилата за Газа (главно Шпанци и Италијанци), терајќи ги врзани и на колена (со чело на под) да ја слушаат израелската химна. 

Првата која ја објавивме од Зорт (ЗПО, септември 2021) во меѓувреме нарасна во цврст, расен албум со многу отсвирени инструменти, семплови и разиграни рими. „Запознавање на Природата и Општеството“ има 8 ствари; наидовме на познати фаворити (Што е што, Социјализирај се), си најдовме и нови. Ќе си најдете и вие во тие 20-тина искрени минути Зорт.  

Некаде во Турција ставила автомати кои, кога минувач ќе остави паричка, пуштаат храна за уличните мачки. Локалните галеби сфатиле дека оние створења на четири нозе кои мјаукаат наоколу добиваат гага храна, па научиле и тие да мјаукаат. Ќе мјаукаш, што ќе правиш.

Само треба да си махер за правење видеа со помош на вештачка интелигенција. Тоа го прави еден лик кој толку умешно се вметнува себе во сцени од фудбалски настани што си проаѓа и подобро отколку навистина да бил таму.   

На Бендкемп еден од најпродаваните албуми неочекувано стана албум на грчки поп од гратчето Нафлпион (првиот главен град на модерна Грција). 52 годишниот Дионисиос Табакис сам се снима по дома а албумот “Paradise Metal” се претставува како „ мешавина од византиски црковни песни, богослужби и странски транс движења“. Не е виртуоз како Стиви Ваи ама барем не е луд како Петар.

Доскорешниот шеф на кабинетот на Зеленски месецов беше уапсен со обвинение за перење околу 10 милиони долари што било само дел од една поширока коруптивна операција во која исчезнале 100 милиони долари. Му беше одредена кауција мрсна од 3,2 милиони долари. Кутар човек, едвај најде 3,2 милиони долари за да излезе од зад решетки. Инаку, во пријавата за приходи, Андриј Борисович Јермак пријавил дека заработува само нешто над 1.000 долари месечно.

Кинезите претвориле дел од океанот во огромна офшор соларна фарма која може со недели да опслужува град колку Чикаго. Цифрите се импозантни: 2.3 МИЛИОНИ соларни панели, 2.934 челични платформи, 11.736 столбови забиени на океанското дно, изградени да издржат мразови и бури од најсилните. И под сето тоа мрестат риби.

До пред неколку години, кај заападната младина доминираа (или барем беа најгласни) оние офтики кои делуваа како морална полиција па пазеа на секој збор, да не е навредлив кон некоја заштитена мечка на воукизмот. Изгледа се смениле работите. Такер Карлсон коментира вирален клип со менаџерка за недвижнини која фати да ги тупи копиљаците со општи места од типот „Вештачката интелигенција е иднината.“ Ја истролаа на лице место.   

Со таа идеја, КитКет дизајнирале „Break Mode“, посебна амбалажа која освен што го носи нивното чоколатце, станува затвор за вашиот мобилен. Внатрешноста на пакувањето е обложена со слоеви на бакар и никел кои создаваат Фарадеев кафез, што значи дека вашиот мобилен, кога е внатре, не добива никакви сигнали (повици, нотификации, интернет, блутут...). Со други зборови, физички го заклучувате вашиот дигитален свет за навистина да сте на раат.

Човекот толку често го шокира светот што и една ваква негова изјава помина речиси незабележано. „Земавме луѓе што се мртви“, кажа Трамп на рутинска прес конференција. „Имавме еден човек кому му беа направени сите последни обреди, отиден, децата плачеа и сето тоа... и почнавме да му даваме од лекот. Му стана подобро. Ова функционира!“. Како тоа мислите не е можно да го кажал тоа?

Пеколот во Газа веројатно е најголемиот злостор кое човештвото го видело (или се правело дека не го гледа) после Втората светска војна. Она што на почетокот се чiнеше како разбирлива реакција на Израел по упадот на Хамасс на седми октомври 2023 година, постепено се претвори во невиден и систематски масакр и намерно претворање на Појасот во простор во кој нема да може да се живее. 

Некогаш Америка и Јапонија ни покажуваа како ќе изгледа технолошката иднина, во последно време тоа сè почесто го прави Кина. Во неколку градови, освен камери, имаат инсталирано и дронови кои автономно патролираат, пријавуваат гужви и удеси, регистрираат прекршоци и пишуваат казни. Во следен чекор има и да ги вооружат и да нè пукаат по улици. Сè ќе имаме, само Џон Конор ќе го немаме.

Целите на криминалната агресија врз Иран никогаш не беа јасни но сега стануваат гротескни. Трамп се закануваше дека ќе ја збрише цела цивилизација, Биби го убеди дека режимот ќе падне само ако го убијат ајатолахот, ќе ги уништуваа нуклеарните капацитети (за кои лани викаа дека ги уништиле), ќе го земале збогатениот ураниум... По најново, главна цел на војната е да се врати состојбата која постоеше пред да тргнат во војна. Јако.