Дански репортер го потсети шефот на Рада дека седеше како клен до Трамп кога овој зборуваше за освојување на Гренланд или ги омаловажуваше сојузниците како Шпанија. „Какво влијание има врз вашата самопочит кога во такви моменти само седите и не реагирате?“ А одговорот на Руте е до балчак: „Треба да му оддадеме признание на Трамп што го направи НАТО посилен.“

ФИФА на ова Светско има генијален начин да ја нахрани својата лакомост: истите рекламни места околу теренот ги наплаќа не по еднаш туку по четири пати! Симултано објавува четири реклами на еден ист монитор: тој има 240 фрема во секунда и покажува четири реклами по 60 фрема истовремено. Различните камери ги фаќаат само оние 60 фрема на кои се покажува рекламата која е платена кај нив.      

Една од најбесмилените методи на штедење преку - повеќе трошење. Така е и скован теминот, од зборовите штедење и трошење (што би се рекло согласно темата, добивате два во еден). Има различни варијации во вид на мали награди кои шприцаат допамин во мозокот за на крај да завршите со нешто не ви треба или количини од нешто што ви треба ама не во толкава количина.

Жртви на последната Инстаграм/Тикток заебанција се дечковци и мажи, фатени во една од најранливите ситуации за нивната машкост - кога серат. Има влегува нивната побезобразна половина со вклучен телефон, за на следачите да им го покаже нивниот тоалет. А таму, на тронот - тој, изваден од памет. После шокот дека оваа будалава го снима, следува залегнување, за да не влезе во кадар.  

Секоја култура има свој специфичен говор на телото и однесување по кое можеш да претпоставиш од каде допаѓа некој странец. Џона Мендез, долгогодишна шефица во ЦИА, споредувана со „Q“ од новелите на Јан Флеминг, во мемоарите истакнува еден интересен детал кој открива Американец. а не е да носи термос со вода или безбол капче наопаку. Се потпираат на што стигнат. Тежи целото тоа незнаење што го м'кнат со себе.

Хрватскиот коментатор го заврши преносот на утакмицата Белгија - САД (4:1) со зборовите „САД го завршуваат патот, Белгија победи и оди понатаму, но, да почекаме, можеби утре кога ќе се разбудиме, ќе има стигнато уште некој повик од Белата куќа....“ Го имаме и „повикот“, Трамп се распрашува за опцијата, ако ја окупираат Белгија, дали тоа ќе значи дека сепак тие победиле.

Да го слушаш Трамп како зборува за своите методи е точно она на што предупредува поговорката „Подобро да не знаеш како се прават кобасици и политика.“ Му дошле од Интел, имале проблем. Им рекол, „можам да го решам вашиот проблем, ама сакам десет проценти од компанијата“. Некои мислат дека тоа не е американски, Трамп тврди дека е тоа најамерикански што може. Веројатно е во право. 

По промената на спонзорствата или договорите за опрема, огромни неискористени залихи спортска опрема често завршуваат за уништување. Ројтерс направил фин прилог за македонска компанија која во сорабoтка со својот холандски партнер им дава втор живот на фрлените фудбалски дресови, торби, капи....

Овде луѓе се заглавени по кладилници и мања-веча, но, во светот, главен муабет за комарџиски рефлекси се таканаречените пазари за предвидување во кои се влезени големи пари и бизнис империи (Трампови и други). Најголем меѓу нив е Полимаркет, бизнис проценет на 15 милијарди долари. Анализирале 1.100 видеа за да докажат дека за да с'скаат народ, Полимаркет плаќа за видеа со фејк добивки.

Фамозниот рефлектирачки базен на Трамп за кој пукна околу 15 милиони долари (дадени со директен договор, без тендер и наддавање) позелене од алги и почна да се лупи. Тврди дека некој со нож го има сечено. Кој доаѓа бре со нож за да сече бетонски базен? Ене ги, сега околу него ставаат огради „против вандали“.

Бен Гвир и Смотрич важат за најрадикалните министри во владата на Нетанјаху (не дека другите се нешто многу поумеерни, види како размислува министерката за социјална еднаквост). Бен Гвир го знаеме како тормозеше луѓе од флотилата за Газа (овде), отвораше шампањ и носеше значка во облик на бесилка кога се воведе смртна казна за Палестинци (овде), повикуваше Евреи да го населат јужен Либан (овде)...

Трамп и Нетанјаху ја спукаа работата, односите меѓу Вашингтон и Тел Авив се на најниско ниво, но, дали се работи за вистински или за фингиран конфликт? За да се олабави од притисокот на јавноста (84% од Американците се за кратење на воената помош за Израел), дали длабоката држава решила да ги пикне односите со Израел под радарот на конгресниот мониторинг и да ги предаде во рацете на сивите зони на Пентагон?

Иранската пејачка Парасто Ахмади и осум членови на нејзиниот музички тим деновиве биле осудени на 74 удари со камшик затоа што настапила без хиџаб на концерт пренесуван на Јутјуб. Тоа било против јавната пристојност и објавување „вулгарна и неморална содржина“. Плус две години не можат да излезат од Иран ниту да настапуваат во земјата. Мала поддршка за Парасто и сите кои се гњавени од задрти луѓе од сите вери и невери. 

Финалекција за сите оние кои се мамат и залажуваат по она што го гледаат на социјалните мрежи, верувајќи дека виделе формула чиј успех е неизбежен. Успехот не само што не е неизбежен туку е исклучок. A залажувањето не се случува само на мрежите. Многу луѓе мислат дека кафана кај нас не може да не успее, гледајќи како сите кафани наоколу се полни. Само што не ги гледаат оние стотици кои пропаднале. 

9 март: „Сега сме целосно независни од Блискиот Исток. Не ни треба нивната нафта.“ 1 април: „Тоа навистина не нè засега. Имаме толку многу нафта. Имаме огромна нафта и гас, многу повеќе отколку што ни треба.“ 17 јуни: Ако не се согласев со Меморандумот за разбирање, „ќе ни снемаа резерви за околу 4 недели... навистина ќе ни снемаа, и ќе дојдеше време кога нема да можете да дојдеме до нафта.“

На Г-7, Трамп и Мелони во неколку наврати беа сликани во добро расположение, што се толкуваше како знак дека ги надминале претходните кавги. Ама, сељак каков што го дал Господ, Трамп отпосле кажа дека Мелони го молела и преколнувала да се слика со него. Таа не остана без зборови. Порача дека е згрозена од комплетните измислици. „Ни Италија ни јас никогаш не молиме!“

Со резултат 418-218 (30 воздржани), Европскиот парламент ја усвои „Регулативата за враќање“ со најстрогите правила за миграција во „градината“ последниве години. Ќе има побрзи депортации на одбиени за азил, оние што чекаат одговор ќе чекаат воне-ЕУ земји... Егзалтирани скандираа „Вратете ги назад!“ (Send them Back!). Кога на времето тие им доаѓаа дома како колонизатори, не се бунеа.

Новинар (Питер Дуси): „Еден мудар човек, еднаш, во јануари 2020-та кажа: „Иран никогаш не добил војна, ама, никогаш не изгубил на преговори.“
Доналд Трамп: “Кој го има кажано тоа?“
Новинарот: “Доналд Трамп“.

Спектакуларно е да се види како фудбалерите на Мароко се движат дефанзивно, главно во 4-2-4 формација. Ова не е случајно, ова е тренирано и вежбано. Како имунолошка Т клетка која се движи синхонизирано за да го неутрализира опасниот вирус кој го детектирала во својата околина. Маестрална тактичка дисциплина.

Пред месец и нешто, Џон Малкович доби хрватско државјанство на основа на своите предци (прабаба и прадедо) кои во 1913 година емигрирале во САД од Карловачката жупанија. Не требаше многу време за  дете страни да профитираат од потегот. Џон Малкович доби тезга а хрватската држава доби шармантен промо спот за својот туризам. Бонус за него: ја виде хрватската ЦИА и научи што е промаја.  

Како човештвото да не оглупуваше доволно брзо и онака, највидливо кај младите генерации со нивната алергичност на книги, читање и сè што не се скрола, се појави вештачката интелигенција за да го забрза процесот и да послужи како аутсорсинг за сопсттвениот мозок. А како и мускули што атрофираат кога не се користат, како кола што зарибува кога подолго време не се пали... 

Кенеди центарот беше едно од многуте камчиња во чевелот на Доналд Трамп. Преку ноќ го смени раководството, постави свој човек, го стави своето име на чело и по некое време се најави дека центарот нема да работи две години поради неодложни реновирања. Ништо од тоа не издржа. Суд ја поништи одлуката за реименување а работници се фатија да го симнат новото име. 

Папата го благослови завршувањето на највисоката од 18-те кули на божественото ремек-дело на Антонио Гауди во Барселона. Со тоа импозантниот објект кој се гради цели 144 години ја достигна својата финална височина од 172,5 метри. Во иднина ќе се доправа фасадата а потоа на ред ќе дојдат контроверзните скали за кои, во зависност кој план ќе се избере, можеби ќе треба да се преселат од 1.000 до 10.000 луѓе. А и Кичево-Охрид ќе биде...

Дечкото петнаесет години работел како шанкер. Позиција на која брзо отвораш пијачка и уште побрзо го фрлаш капачето. Не и тој. Други шанкери се по бакшишот, тој бил по капачињата. Ги собирал. Собрал стотици илјади капачиња. Ги сплескал, ги подредил по боја и дизајн и сега прави махерски портрети со закуцани капачиња.