Интервју на покоен Хуго Чавез, политичкиот претходник и ментор на заробениот Николас Мадуро. На новинарка ѝ објаснува дека САД ѝ се стрват на Венецуела и саакат да ја освојат, првенствено заради нафтата, која ја имаат повеќе и од Саудиска Арабија. Новинарката го прашува дали ваквит негови ставови се можеби параноични. КОјзнае дали и денес тоа би го мислела 

Британското The Sketch Show одеше неколку години на почетокот на 2.000-тите и беше познато по тоа што во него со рафална брзина се менуваа скечевите. На некои денови од снимањата ги пукале по стотина. Шоуто доби и Бафта награда а ова е еден краток и јебитачен, воркшоп сеанса на петмина кои имаат различни фобии. Уиграни максимално. 

2016-та беше гадна година по разни основи. Кај нас тоа беше време на Пржински договори, аболиции, хистерии на корисните Шарени идиоти (подоцна преименувани како „шуто и рогато“)... Нејќеме ни да се потсеќаме на тоа (а нема ни да заборавиме). Тоа беше година во која заминаа Мохамед Али, Џин Вајлдер, Алан Рикман, Јохан Кројф, Харпер Ли... Но, посебен масакр доживеа музиката. На неа сакаме да се сеќаваме.

Моментално се наоѓа во озлогласениот затвор во Бруклин, со уште 1.300 штитеници (само да не го штитат како Епстин). Зад него е живописна кариера, спремна за филмска верзија (Американците уште така да му ги извадат парите). Бил шофер на градски автобус во Каракас, синдикален лидер, инспириран од идеи на Саи Баба и Маркс, има одбиено договор за Американската безбол лига. Најјако: фронтмен на рок групата Енигма.   

Како Трамп се одважи да ја нападне Венецуела и да го грабне нејзиниот претседател топтан со жена му (да била и баба му, и таа ќе го папаше) без одобрение од Конгресот? Правиш картел кој го стишуваш откако ќе ја заврши првичната мисија, го оживуваш кога пак ќе ти затреба и го прогласуваш за терористичка организација. А терористи може да се бркаат и без благослов од Конгресот. Кога ќе дојде работата на суд, се откажуваш од терористичката етикета.   

Таа година се слави и памети по панкот кој детонираше во Лондон и Њујорк кога Секс Пистолс, Клеш и Стренглерс извадија деби албуми. Греота е 77-ма да се памети само по панкот пошто многу автентични автори си го тераа својот филм па добивме одлична и шарена музика. Од соулот и блузот на Били Витерс и Мади Вотерс, шизичките Шик, Боуви, Токинг Хедс, електрониката на Крафтверк, перфекционизмот на Стили Ден, гитарите на Телевижн....  

Некој пеколен ракетен план на Мадуро со Русите или Кинезите? Некоја гигантска пратка фентанил со која сакал да зомбифицираат уште стотици илјади Американци? Ништо од тоа. Трамп бил особено фрустриран затоа што Николас Мадуро последните недели уште поинтензивно од обично се појавувал на телевизија, играл на музика и го провоцирал дека го чека. 

За 42 години, Американците срушиле или пробале да срушат 72 странски влади. Мат Таиби потсети дека онаму каде што успеале, често настапувала нестабилност, помалку демократија, опасност од граѓански војни. Тоа беше во ерата на Бајден. Се појави човек кој вети дека ако влезе во Белата куќа, ќе ја прекине политиката на „смена на режими“ и „изградба на нации“. 

Илјадници луѓе се собраа годинава на градскиот плоштад во Бирмингем, Англија за да ја испратат старата и дочекаат новата година со „спектакуларен огномет“ кој им бил најавуван од реклами креирани со вештачка интелигенција. Џабе полицијата ги убедевала дека никаков настан ни огномет не се најавени, овие си дошле „да одбројуваат“. Најјако е што истото ова им се случува втора година по ред.  

Пред 10 години, над 1.000 жени низ Германија беа нападнати за време на новогодишните прослави. Само во Келн имало повеќе од 500 напади, 40 проценти биле сексуални, главно од мигранти. Деценија подоцна, германската стримерка @Kunshikitty со личен пример сакаше да покаже дека денес Келн е безбеден за жени, шетајќи во делови на градот полни со „мажишта“. Добро помина, само двапати ја зачукаа. 

Прописно облечен и блиндиран деминер од анти-терористичка единица претпазливо проверува сомнителен ранец на улица. На минувач му збоктисува бавниот ритуал па доаѓа сам до ранецот и фаќа да го отвора. Ништо, само алишта во него. Веднаш го срушија на земја. Метју Хјуз од Милвоки подоцна бил обвинет за нарушување на јавниот ред и попречување на службено лице. 

Италијанската премиерка Џорџа Мелони баш знае да окуражи. Нас своите соработници во Палацо Киџи им заблагодари на соработката и им порача: „2025 година беше тешка за сите нас. Но, немојте да се секирате, следната 2026 ќе биде уште потешка. Затоа, убаво одморете за празниците.“
 

Mладиот свештеник Јозеф Мор кој го напиша текстот (1816) и органистот Франц Ксавер Грубер кој ја напиша музиката (две години подоцна) на веројатно најпознатата божиќна мелодија „Stille Nacht, heilige Nacht“, не ни сонувале дека меѓу стотиците нејзини препеви ќе се најде и изведба на Чубака. Да, Чубака. Соло. Не Хан Соло.

Ако ова е вистина, владите на Заев и Ковачевски добиваат озбилна конкуренција во неспособност. Нели објавија куп документи за Епстин. Нели луѓе се бунеа дека огромни делови од нив се зацрнети? Изгледа не го направиле тоа прописно, туку само удриле црна позадина на текстот (црно на црно). Што значи дека ако од пдф-и ги копираш зацрнетите делови, кога ќе ги пренесеш во друг документ, фино лепо читаш што „цензурирале“.

Во сообраќајна несреќа на автопат во Л.А. загина креаторот на Call of Duty и Battlefield 6, Винс Зампела (55). Излета со Ферари од тунел, се слупа па се запали. Сопатник бил исфрлен од возилото при ударотт но подоцна им подлегнал на повредите. Зампела беше дизајнер и продуцент на видеоигри, еден од најлијателните луѓе во историјата на шутер- игрите.  

Конструкцијата на нивните бродови и личното ниво на хигиена ги спасувало од смртоносни заразни болештини кои десеткувале екипажи на далеку помодерни и поопремени бродови. А го освоиле Исланд, го колонизирале Гренланд и стигнале до Северна Америка пет века пред Колумбо. Енглези имале поплаки дека Викинзиве се бањаат секоја сабота. Како не се отруле од вода е лесно: пиеле пиво. 

Илон Маск сам има 681 милијарда долари (па што, три пати ли ќе ќе руча?) а според американските федерални резерви, американските граѓани поседуваат вкупно 160,35 трилиони долари. По колку би добил секој човек ако сите тие пари подеднакво се распоредат? Секој по 471.465 долари а на двојка со две деца би им следувале 1,89 милиони. Не е лошо, ама, да ве потсетиме: парите се трошат, виното се пие... 

Жената потсетува на еден од најсигурните начини да проверите што мустра е некој што скоро сте го запознале. Одите во кафана за да видите дали знае да се однесува, да сипа пијачка, да остави бакшиш на музика и слично. Најголем аларм е ако се изживува на келнерите и оние кои го служат. Од таков се бега одма. Ако не ви го придржи капутчето, можеби е до вас. Ако е јули.   

Германското министерство за надворешни работи издало директива, во сите нивни амбасади во светот видливо да биде истакнат портрет со ликот на шефот на дипломатијата. За среќа, имаат новинари како Флоријан Варвег кој праша колку тоа кошта. За жал, политичарите сегде се исти па му кажаа дека не можат сега да му одговорат бидејќи „финансиската конструкција уште не е заокружена.“

Колку подолго ја слушате оваа идеја, толку подобро звучи, пишува во дел од видеото во кој човеков ја објаснува својата идеја за стрејт сопруг. Никој никому не се меша во сексуалниот живот, ги спојуваат приходите во едно домаќинство и живеат ко богови. Без мрчење, без драми, без ништо од она што се случува во брак со некој од другиот пол. По нашки, човекот си бара цимер. 

Може ли човек да има три жени дома а под тој кров да има мир? Југославија до 1948 и Информбирото беше во комунистичкиот камп. Потоа флертуваше со Запад за подоцна да го иницира глобалното движење на неврзаните. Репортажа на ITN од 1961 за тоа дали и како функционира таквата политичка полигамија која ја балансира Тито. 

Пред неколку години, две мали едномоторни Цесни се дигнаа на 4.200 метри, авионите беа наместени во контролирано нуркање по што пилотите истовремено излегоа од своите летала за во воздух да ги сменат местата и да влезат во другиот авион. Еден од пилотите успеа, другиот не.

Хрватскиот иноватор, претприемач и сопственик на брендот Бугати, Мате Римац, најави дека на пролет стартува проектот Верне. Не Л.А., не Сан Франциско туку Загреб ќе биде првиот град во кој ќе биде пуштен тој целосно електричен и автономен такси-сервис. Преку апликација, муштеријата ќе може да си го подеси осветлувањето, климата, мирисот и други параметри, пред возилото да стигне. Ние би одбрале да мириса на плин, за да нè потсеќа на родниот крај.

Рамбо со новата песна уште еднаш е актуелен и во плексус го гаѓа духот на времето, поточно заморната и одвратна селфи култура на оние кои некаде ќе видат позната фаца. „Никој нејќе да ме слуша а секој би да се слика. Како да сум со струготини наполнет сокол во фоајето на селски хотел.“ Спотот почнува со концертна заклетва дека ако некој се види во неговиот спот, се откажува од авторските права.