Едноставни се и храбри: работата треба да ти го финансира животот, а не да ти го одземе. Овој пристап, наречен career minimalism, не е уште еден празен термин за на Линкедин, туку суштинска промена во разбирањето на амбицијата, успехот и стабилноста.
Истражувањата покажуваат дека 68% од младите не би прифатиле менаџерска позиција ако таа не носи значајна придобивка, било финансиска или статусна. Не се работи за мрзливост, туку стратегија. Ген-З кариерата ја гледаат како кратки скокови од една можност кон друга, секогаш со цел да се зачува рамнотежата меѓу приходите, времето и личното исполнување. Видоа како миленијалците ги изгубија своите дваесетти години во канцелариски маратони и за возврат добија неизвесни пазари, кризи со домување и висок процент на прегорување - затоа и денес одбиваат да ја следат истата патека.
Иако се нарекуваат минималисти, повеќе од половина од Ген-З имаат дополнителна работа или личен проект. Но тоа не е само за пари - речиси половина изјавуваат дека го прават за да бидат свои шефови, а уште 42% за да ги следат сопствените интереси. Денската работа носи стабилност, но вистинската амбиција често се гради во часовите по работа.
За претходните генерации, балансот меѓу работа и живот беше убава пожелна ствар. За Ген-З тоа е инфраструктура без која нема функционален живот. Триесет и два проценти од нив го сметаат тој баланс за најважен фактор при избор на работа, повеќе од миленијалците и генерацијата Икс. Платата може да почека, но времето за себе е прво на листата. Тука младите не молчат: 73% сакаат трајни флексибилни услови за работа, а 72% размислувале да ја напуштат својата позиција ако компанијата не го нуди тоа. Компаниите што не прифаќаат промени губат таленти, додека оние што воведуваат флексибилност имаат значително поголема стапка на задржување и задоволство меѓу вработените.
Новите млади веќе стануваат и менаџери, но нивниот стил е поинаков - наместо страв и формалности, носат емпатија, транспарентност и тимски одлуки. За нив корпоративните вредности не се само за на постер во канцеларија, туку реалност што мора да се живее. Водат со психолошка поддршка и отворена комуникација и за нив тоа не е само дополнителна привилегија.
Некои компании веќе сфатија каде оди корпоративниот свет - Гугл нуди флексибилно слободно време и ментална поддршка, Мајкрософт има терапевтски стипендии, Канва охрабрува илјадници часови волонтерски проекти. Резултатот е поголемо задоволство, ангажираност и задржување на талентите.
Поуките од овој пристап се важни за сите генерации бидејќи јасните граници создаваат долгорочна продуктивност и спречуваат прегорување, а повеќе извори на приход носат поголема сигурност во нестабилни времиња.
Формулата на Ген-З е едноставна: стабилна работа за сигурност, додатни проекти за страст и строги граници за одржливост. Најубавата канцеларија слободно нека си го задржи погледот. Новата генерација има појака идеја - кариера што се вклопува во животот, наместо да го проголта.
