Нè носат на југот на Франција, каде што изгледа сè е или меко или сјајно.
Од меката страна ги има бобот и шишките на Лиса, бел мек тепих и раскошен фустан од Селин.
Од сјајната, светка статуетката на Ролс Ројс, па масивен лустер, и повторно Лиса во тоалета на Селин прекриена со кристали и новиот Parade парфем - мошусна и пудреста комбинација што „мириса на сончева светлина“ (веројатно поради нероли и бергамот).
„Што ни е нам гајле?“ ќе прашаат од TheCut.
Па, освен што е естетско и звучно задовлство (второво благодарение на Велвет Андерграунд), кампањава е прва во неколку работи.
Прва видео-кампања на Селин парфеми, со прв глобален амбасадор (Слимејн ја избра Лиса во 2020), а и истовремено е прв амбасадор на линијата парфеми.
Статично ѕиркање во кампањата добивме сега во декември, со црно-бела фотографија, а истиот месец, Лиса Манобан дебитираше и на модна писта, во Селин јакна, дуксер со качулка и очила за сонце.
Но, главната порака е: гледајте како масовно ќе се шишаат коси и шишки. Да не биде дека не сме кажале, после сите овие врткања лево десно со разлетана принц Валијант фризура.
