Во завршните зборови на судењето за убиствата на Вања Ѓорчевска и Панче Жежовски, тројцата обвинети Велибор Манев, Влатко Кешишев и Боре Видевски негираа дека ги извршиле. Дел од нив признаа соучесништво во грабнување, но негираа дека првичниот план бил егзекуција.
Велибор Манев остана на тврдењето дека со Боре Видевски мислеле оти киднапираат возрасна жена од влезот која Палевски ја следел. Откако виделе дека е девојче, барале од Палевски да ја ослободи но тој ја фотографирал, ја распрашувал кои ѝ се мајка и татко, па преку перниче ја застрелал.
Боре Видевски побара ослободителна пресуда бидејќи бил жртва на „монтировка“ и не ни бил со групата кога киднапирале и убивале.
Адвокатот на обвинетиот Влатко Кешишев, во завршните зборови го нарече својот клиент заложник и жртва во корист на искористување туѓи идеи и интереси.
Адвокатот на Александар Ѓорчевски, Владимир Туфегџиќ образложуваше дека таткото на Вања е неправедно обвинет и побара ослободителна пресуда. Вели дека таткото на детето воопшто не им бил потребен на обвинетите за да им даде упатства за времето кога девојчето ќе излезе сама од домот за да оди на училиште бидејќи според доказите, обвинетите претходно веќе имале план за грабнување а подоцна и за егзекуција.
Случајот ,,Таргет” на СЈО, за масовното прислушување во УБК, апсолутно застаре пред речиси две години а сметките за наплата на адвокатските трошоци ќе се наплатат од државата.
Предметот застаре поради скандалозните измени на Кривичниот законик. Ова значи дека никогаш нема да има кривично правна разрешница и одговорност за незаконското прислушување, но адвокатските трошоци некој треба да ги плати.
Државата во иднина ќе треба да ги обесштети и жртвите од прислушувањето. Доколку обвинетите беа прогласени за виновни, тогаш штетите ќе требаше да се наплатат од нивниот џеб; вака, за сè ќе плати државата.
Судијата Енвер Беџети предметот го чуваше девет месеци во фиока пред Апелација да одлучи дека ја укинува првостепената пресуда и случајот го враќа на повторно судење. Кога предметот се врати во Кривичниот суд, судењето почна од почеток, но по неколку месеци беше констатирана застареност, поради законските измени кои беа донесени во меѓувреме.
Врховниот лидер на Иран, ајатолахот Али Хамнеи, порача дека неговиот народ „никогаш нема да се предаде“ и да капитулира пред заканите од Израел и неговите сојузници, вклучително од САД и претседателот Трамп.
„Не е мудро да му се каже на иранскиот народ да се предаде“, рече Хамнеи во објава на социјалната платформа X. „Кому и на што треба да се предаде? Никогаш и никому нема да му се предадеме.“
Тој остро ги предупреди САД дека нивно вмешување во нападот врз неговата земја ќе предизвика „непоправлива штета“.
Во израелските напади досега има над илјада загинати.
