Второто издание на „VIVAX Чистка на Водно“
5 мај 2025
Вести › Набрзинка
Убедливата победа на Симион ја урна романската влада
5 мај 2025
- Романскиот премиер Марчел Чолаку поднесе оставка, неполни 24 часа по убедливата победа на евроскептикот Георге Симион во првиот круг од претседателските избори.
- Социјалдемократите на Чолаку освоија најмногу пратенички места на изборите во декември и формираа влада заедно со центристичките либерали и партијата на етничките Унгарци.
- „Оваа коалиција повеќе не е легитимна. Идниот претседател и онака ќе ме разрешеше“, изјави Чолаку.
- Георге Симион освои 41% од гласовите во првиот круг од претседателските избори, двојно повеќе од градоначалникот на Букурешт, Никушор Дан, со кого ќе се соочи во вториот круг на 18 мај.
- Симион најави дека ако стане претседател, за премиер ќе го постави Калин Георгеску, десничарскиот кандидат што победи на редовните претседателски избори во декември, пред да бидат поништени.
Израел ќе ја окупира цела Газа
5 мај 2025
- Израелските министри одобрија план за воена окупација на целиот Појас Газа на неодредено време.
- Окупацијата ќе се проширува постепено, веројатно со месеци, се додека не биде уништена милитантната група Хамас и не бидат ослободени израелските заложници.
- Планот опфаќа префрлање на стотици илјади Палестинци во јужните региони од Газа, влошувајќи ја до крајност хуманитарната катастрофа.
- Откако во март пропадна примирјето, израелските сили сега контролираат околу 50% од малата палестинска енклава и строго го контролираат доставувањето хуманитарна помош до околу 2 милиони Палестинци.
- Израел ги известил Обединетите нации дека ќе ангажира приватни компании да пропуштаат по 60 камиони хуманитарна помош преку преминот Керем Шалом и директно да дистрибуираат пакети од по 20 килограми за секој жител.
