- За да се справиме со Големиот брат, секој од нас мора да започне со справување со неговите помали браќа и сестри на локално/национално ниво.
- Кога некој, како Најчевска и нејзините, ќе ме посочат мене, Венко или Трајче (главно поради наводно ширење дезинформации, руска или српска пропаганда), тоа е показна вежба, шиканирање на влијателни личности, кои треба да послужат за пример на помалку одважните. Ние сме само случајно згодни примероци за отстрел. Целта сте сите вие што неретко се препознавате во нашите мисли, зборови, акции.
- Колозова откри дека критиката за корумпираноста на ДУИ (воените злосторства им ги заборавија сите) било знак на албанофобија. Така, сега е забрането и да се каже нешто против силувањето на Бугарија, Грција и сите други што ни се редат.
- Танкер за сурова нафта во сопственост на турска компанија бил погоден во координиран напад со летечки и пловечки дронови близу Истанбул, 14 милји од Босфор. Никој не ја презеде одговорноста за нападот.
- Танкерот „Алтура“ испловил со 140.000 тони сурова нафта од Новоросијск, на рускиот брег на Црно Море. Дроновите предизвикале штета на палубата и во машинското одделение, кое се наполнило со вода.
- Министерот за транспорт Абдулкадир Уралоглу изјави дека нема повредени меѓу 27-те члена на екипажот.
- Танкерот бил под санкции од Европската Унија, класифициран како брод од „Флотата во сенка“ на Русија.
- Иранската морнарица објави дека истрелала крстосувачки проектили кон американскиот носач на авиони „Абрахам Линколн“. Ракетите не го погодиле носачот на нуклеарен погон, но го принудиле да ја промени позицијата. Американските сили не реагираа на ова тврдење.
- „Постојано го следиме движењето на носачите и штом непријателската флота навлезе во дострел на нашите ракетни системи, таа ќе биде цел на моќни напади“, изјави командантот на иранската воена морнарица, адмиралот Шахрам Ирани.
- И на 1 март Иран објави дека го погодил „Абрахам Линколн“ со балистички проектили. Централната команда на САД тоа го отфрли како „лажна вест“, прикажа снимки од носачот и објави дека ракетите „не се ни приближиле“ до него.
- САД веќе го повлекоа од борбена позиција другиот носач на авиони „Џералд Форд“, откако пред две недели избувнал пожар во пералницата и стотици морнари останале без своите кревети. Носачот плови на поправка во бродоградилиште на Крит.
