Вести › Набрзинка

Ванковска: It's complicated

9 октомври 2021

Кога на социјални мрежи ќе кажеш „комплицирано е“ за врската во која се наоѓаш, тоа значи дека не си сигурен дали си воопшто во врска, ама и дека не си сосема слободен/слободна за нови врски.
Изгледа само нашиве слепци на власт се во филмот на Шехерезада и бајките од „1.001 ноќ“, дури и кога Бугарија не отстапува ни педа во бришењето на нашата егзистенција, која ја нарекува „македонизам“.
Во интелектуалната сфера има и новоразбудени Трнорушки, кои дури сега, три години подоцна, го кажуваат она на што предупредувавме: Преспанскиот договор е само за влез во НАТО, ЕУ во „друг филм“! Општото будење од колективната хипноза очекувам да биде скоро и многу болно: нема принц да ја бакне северномакедонската убавица, туку сиромаштијата со цунами од поскапувања ќе ни ги одмили бајките.

извор

Српска изборна класика: Вучиќ победува, опозицијата не признава

9 јуни 2025

Завршија вонредните локални избори во Заечар и Косјериќ, кои се гледаа како лакмус за расположението на народот после 6 месечните протести и блокади на студентите и граѓаните кои ги поддржуваа.
Повикувајќи се на записниците кои ги имаат потпишано и опозиционите учесници во изборите, Александар Вучиќ соопшти дека неговата Српска напредна странка во Косјериќ победила тесно а во поголемиот Заечар убедливо.
Рече дека изборите минале во услови досега невидени на српската политичка сцена и атмосфера на линч, прогон, малтретирање на граѓаните, закани, уцени, кршење на сите законски норми, кршење на елементарните изборни правила...
Вучиќ е горд и задоволен од резултатите, особено на оние во Заечар кадешто освоиле 3.000 гласови повеќе од минатите избори.
„Невидена кражба,“ соопшти опозицијата и порача дека не ги признава резултатите по што повика на протести пред владата.