- Одамна во Киев не звучеле толку самоуверено како викендов. Зеленски зборува за освоени 2.000 квадратни километри.
- Во украинската офанзива паѓа град по град а по некои информации борби се водат и околу аеродромот во Доњецк кој Русите го контролираат уште од 2014 година.
- Западни воени експерти оценуваат дека украинското напредување на теренот се должи на успехот да се пробие централната руска линија на фронтот.
- Наспроти моменталната ситуација на фронтот, не постојат никакви назнаки дека Москава се откажала од поврзување на териториите под своја контрола, од Харков, преку Доњецк, Мариупол и Херсон, па до Крим. На тој пат се наоѓа и Одеса.
- Тоше Поп Симонов, еден од најважните луѓе на македонската музика, замина на 63 годишна возраст.
- Тоше Поп Симонов беше музичар, композитор, инструменталист, продуцент, аранжер, текстописец... ренесансно комплетен лик во музиката.
- Тоше Поп Симонов беше умен, писмен, начитан, мудар, добар, правичен, бескомпромисен во своите естетски и етички ставови и пресуди... ЗЕН мајстор во занаетот и живеењето.
- Тоше Поп Симонов беше другар, пријател, ведар, урнебесно забавен, брилијантен раскажувач, драгоцен соговорник во секаков вид дружење.
- Ќе ни фали многу. Многу.
- Три лица загинаа, а осум се повредени во сообраќајната несреќа синоќа на патниот правец Кичево-Гостивар.
- Несреќата се случила во 20.55 часот близу местото Сеферов Бунар меѓу Кичево и селото Трапчин Дол. Се судриле три возила.
- Според првичните информации три лица починале од повредите, а осум лица се повредени. Дел од нив се пренесуваат во болницата во Кичево, дел во Клинички центар Мајка Тереза во Скопје, изјави портпаролот на СВР Охрид, Стефан Димоски.
