Вести › Набрзинка

Уа, шверцери

20 јануари 2022

Стево Пендаровски предлага финалното решение меѓу Македонија и Бугарија да не се гласа со двотретинско мнозинство, зошто тоа било тешко да се постигне.

„Ферски и отворено, нема што. Ни кажуваат што спремаат, што ни се спрема и на што сѐ се спремни. Не дека сакаме да нè нема, но не правиме ништо за да нѐ има. Роб без непокор, не ни има право на слобода“.

@karadza999

Лани во јули, македонските пратеници изгласаа резолуција за црвените линии во преговорите со Бугарија со 95 гласа ЗА. Пендаровски предлага 61 да се посилни од 95.
Уверува дека не може да се протне недостоинствено решение бидејќи тој ќе излезел на прес-конференција и ќе кажел дека не го прифаќа.
Овој ќе ни бил гаранцијата:

извор

Нетанјаху на чекор до паѓање: Противникот доби мандат за влада

8 ноември 2026

Претседателот на Израел, Исак Херцог, најави дека ќе му го довери мандатот за формирање нова коалициска влада на опозицискиот лидер Гади Ајзенкот.
Ни неговата (48 пратеници) ни партијата на Нетанјаху и неговите ултрадесничарски сојузници (53 пратеници) имаат доволно за влада но Херцог се решил на ваков потег откако лидерите на арапските партии најавиле дека поддршка би му дале на Ајзенкот.
Досега сите израелски влади биле коалициони. Сегашниот распоред на силите се должи на рекордната излезност на арапските гласачи кои обезбедија 19 пратенички места.
Ајзенкот е поранешен началник на армискиот Генералштаб и нема да му е лесно да создаде мнозинство со оглед на тоа што сите освен една еврејска партија, пред изборите се обврзаа дека нема да соработуваат со арапските коалиции за формирање влада.

извор

Дома кај убиецот од Полска се најдени уште три тела

8 ноември 2026

Четири жени и двајца мажи се мртви, најмалку 16 лица ранети (петмина странски државјани) а 12 од повредените се во критична или сериозна состојба.
Тоа е моменталниот биланс од вчерашното рандом пукање во Краков од автомобил во движење кое го извел Пољак од дваесетина и нешто години пред да биде совладан од полицијата.
Три дополнителни тела подоцна се најдени во куќата на осомничениот, се верува дека тоа се членови на неговото семејство, обелодени премиерот Доналд Туск.
Мотивот на крвавиот пир сè уште е непознат а првичните сознанија упатуваат дека убиецот имал „многу радикални ставови.“
Неговиот обид за бегство заврши со судар и размена на оган со полицајците. Еден од нив, и самиот ранет, го пука од блиску но во моментов не е јавено дека идиотот е мртов.