Вести › Набрзинка

Што треба да знаеме за ефектот од санкциите кон Русија врз македонскиот стандард

2 март 2022

ИРЛ направи преглед на компаниите со руски капитал во земјава и на компаниите што имаат трговски врски со Русија и Украина, со цел да ги утврдиме размерите на ефектите врз македонската економија. Анализираaт како новата европска војна ќе ги доосиромаши македонските граѓани.
Од Македонско-руската стопанска комора посочуваат дека главната грижа е дека македонски производи, особено свежите раноградинарски, за кои сезоната допрва почнува, ќе почувствуваат посилни ефекти. Тука ги вбројуваат и домашното вино, производите од преработувачката индустрија, но и фармацевтските производи. Предупредуваат дека сме и целосно зависни од рускиот гас.
Од Македонско-руската стопанска комора стравуваат од контрасанкции од Руската Федерација. „Искрено, во моментов нема многу простор за оптимизам дека дел од извозните гранки ќе бидат поштедени“, вели Дејан Бешлиев, извршен директор на Македонско-руската стопанска комора.

извор

Г7 вети повеќе оружје за Украина

17 јуни 2026

Земјите од блокот Г7 ѝ ветија на Украина дека ќе ѝ испратат повеќе оружје за да го забрзаат нејзиниот „напредок на бојното поле во војната со Русија во изминатите месеци“.
Ќе ја зголемат испораката на системи и пресретнувачи за противвоздушна одбрана, како и ракети со долг дострел, соопшти Елисејската палата, како домаќин на самитот.
Паралелно со поддршката за Украина, Г7 најави и поостри санкции за Русија, главно за нафтениот и гасниот сектор.
На лидерите од Г7 денеска треба да им се придружат директорите на водечките технолошки компании - Сем Алтман од OpenAI, Демис Хасабис од Google DeepMind и Дарио Амодеи од Anthropic - на разговори за иднината на вештачката интелигенција и доминацијата на САД во индустријата.

извор

„Убавиот син базен“ на Трамп процвета зелено

17 јуни 2026

Синиот Рефлектирачки базен пред Споменикот на Линколн во Вашингтон, на чие реновирање Трамп потроши 14,2 милиони долари, стана зелен од густите алги.

Работници вчера истурале хемикалии за белење во базенот, но ефектите биле видливи само еден метар покрај рабовите. Наводно била користена и технологија со наномеурчиња за уништување на алгите.

ЦНН независно анализирал примерок од водата. Резултатите покажале ниво на фосфати далеку над препорачаните за да се спречат алгите, но тие продолжуваат да се шират.

Растот на алгите во базенот е проблем за администрациите во Белата куќа уште од 1920-тите.
„Во споредба со претходните администрации, Службата за национални паркови всушност го одржува прекрасно завршениот Рефлектирачки базен“, соопшти портпаролот на Oдделот за внатрешни работи. „Технологијата на наномеурчиња успешно го уништи цветањето на алгите што го мачеше секое повторно отворање на базенот од 1922 година.“

извор