Откако беше критикуван што за војната во Украина ѝ пишал само на Олена Зеленска (види овде), Роџерс Вотерс реши да сподели и што му има пишано на Владимир Путин.
Ако на прашањето „Дали сакате да ставите крај на оваа војна?“ кажете „Да“ тоа веднаш би ги олеснило работите“. „Ако излезете и порачате дека Руската федерација нема други територијална интереси отаде безбедноста на луѓето што зборуваат руски во Крим, Донетск и Луханск, и тоа би помогнало“, пишал Роџер Вотерс .
„Знам, знам, САД и НАТО без многу мислење знаат да нападнат суверени земји, макар за некој екстра барел нафта, но тоа не значи дека треба и вие така. Вашата инвазија на Украина комплетно ме изненади, тоа е грозен акт на насилство, без разлика дали е провоциран или не“, пишал човекот од Пинк Флојд.
По писмото до Зеленска и други произнесувања за војната во Украина, Полска му ги откажа концертите на Вотерс закажани за пролетта 2023. Ама затоа, еве го вчера во ЛА.
Шпанија најави дека повторно ќе ја отвори својата амбасада во Техеран за да ги поддржи напорите за мир по договореното примирје меѓу САД и Иран. Амбасадата привремено беше затворена на 7 март поради безбедносни причини.
„Одлуката ја одразува новата ситуација по договорот за примирје“, изјави министерот за надворешни работи Хозе Мануел Албарес.
Тој изрази и поддршка за Либан, за коj оцени дека е жртва на „брутални и неселективни“ израелски напади, кои се „срам за совеста на човештвото“.
„Видовме како Израел, кршејќи го примирјето и меѓународното право, лансираше стотици ракети врз Либан, во време кога има зрак надеж за целиот регион. Овој напад е вистински срам, треба да биде на совеста на секој што има каква било човечност“, изјави Албарес.
Говорејќи за заканата од Доналд Трамп дека ќе ги „казни“ сојузниците од НАТО кои не ја поддржале војната против Иран, Албарес истакна дека се водат билатерални разговори со Вашингтон за користењето на американските воздухопловни бази Рота и Морон во Шпанија и дека двата објекти работат „сосема нормално“.
Првата дама на САД во снимена видео порака до јавноста објави дека немала воспоставено никакви односи со Џефри Епстин, не била негова жртва и не знаела за неговиот синџир за проституција.
„Мора да запрат лажните клевети за мене од злобни и политички мотивирани поединци и субјекти, кои сакаат да предизвикаат штета на моето име за лична финансиска и политичка корист... Јас не сум жртва на Епстин. Епстин не ме запозна со Доналд Трамп“, изјави Меланија Трамп. Таа додаде дека првпат се сретнала со Епстин во 2000 година, на на настан на кој присуствувала со Доналд Трамп.
Порталот Дејли бист лани беше принуден да повлече сторија во која авторот Мајкл Волф тврдеше дека Епстин ја запознал Меланија со Доналд Трамп и јавно се извини за „за каква било конфузија или недоразбирање“.
Меланија Трамп се појави во објавените документи од досието Епстин во имејл што го испратила до неговата соработничка Гислен Максвел, кој ги потпишала со: „Со љубов, Меланија“. Тоа поттикна гласини за нејзините врски со Епстин, од кои досега ја бранеше нејзиниот правен тим. Првата дама изјави дека тоа било „обична преписка“ со „тривијална забелешка“.
Американската јавност само нагаѓа што ја поттикнало Меланија Трамп во едно од ретките обраќања до јавноста да се наврати на темата за Епстин која падна во втор план откако почна војната против Иран. „Првата дама проговори затоа што ѝ е доста. Лагите мора да запрат“, изјави нејзиниот советник Марк Бекман.
