Вести › Набрзинка

Роџер Вотерс му пишал и на Путин

28 септември 2022

Откако беше критикуван што за војната во Украина ѝ пишал само на Олена Зеленска (види овде), Роџерс Вотерс реши да сподели и што му има пишано на Владимир Путин.
Ако на прашањето „Дали сакате да ставите крај на оваа војна?“ кажете „Да“ тоа веднаш би ги олеснило работите“. „Ако излезете и порачате дека Руската федерација нема други територијална интереси отаде безбедноста на луѓето што зборуваат руски во Крим, Донетск и Луханск, и тоа би помогнало“, пишал Роџер Вотерс .
„Знам, знам, САД и НАТО без многу мислење знаат да нападнат суверени земји, макар за некој екстра барел нафта, но тоа не значи дека треба и вие така. Вашата инвазија на Украина комплетно ме изненади, тоа е грозен акт на насилство, без разлика дали е провоциран или не“, пишал човекот од Пинк Флојд.
По писмото до Зеленска и други произнесувања за војната во Украина, Полска му ги откажа концертите на Вотерс закажани за пролетта 2023. Ама затоа, еве го вчера во ЛА.

извор

Трамп: САД не се банкомат за Европа

25 јули 2026

Трамп најави дека САД ќе отворат истрага против ЕУ и ќе ѝ воведат нови царини поради „ограбување на американските даночни обврзници“, преку казни од милијарди долари за големите технолошки компании.
ЕУ завчера му изрече казна од 890 милиони долари на Гугл поради истиснување на конкуренцијата. Трамп додаде дека ЕУ „без никаква причина“ ги казнил Епл со 15 милијарди долари, Мета со 3 милијарди долари и Амазон со 2,5 милијарди долари, а сите досегашни казни за Гугл надминуваат 18 милијарди.
„САД не се банкомат за Европа ниту ќе дозволиме да бидат тоа... ЕУ ќе плати многу висока цена за ова незаконско и крајно неетичко однесување, за кое постојано ги предупредував. Очекуваме дека казните целосно ќе бидат поништени и може да им наметнеме значителни царини“, предупреди Трамп.
Тој претходно се закани со царина од 100 % за секоја европска земја која ќе воведе данок на дигитални услуги за американските технолошки гиганти.
За време на вториот мандат на Трамп беа покренати неколку истраги согласно Членот 301 од Законот за трговија од 1974 година, кој ја овластува Канцеларијата на американскиот трговски претставник да истражува трговски практики за кои постои сомневање дека не се фер.

извор

Отпуштен главниот обвинител на МКС поради секс-скандал

25 јули 2026

Членките на Меѓународниот кривичен суд со огромно мнозинство гласови го разрешија обвинителот Карим Кан поради „сериозно недолично однесување“.
Истакнатиот британски адвокат постојано ги негира обвинувањата од 2024 година дека сексуално злоупотребувал поранешна соработничка во хотелски соби на службени патувања, во неговата канцеларија и во неговиот дом.
САД, кои не се членка на Судот, воведоа санкции врз 11 судии и обвинители на МКС, вклучувајќи го и Кан, поради налозите за апсење на израелскиот премиер Бенјамин Нетанјаху и отворањето истрага за американските трупи во Авганистан.
Државниот секретар Марко Рубио завчера изјави дека во МКС работат „лудаци и неразумни поединци“ и дека нема шанси било кој американски функционер или офицер да биде изведен пред судот.
Изборот на нов обвинител не се очекува пред идната година. На сила ќе останат сите налози на МКС за апсење, вклучувајќи ги и оние за рускиот претседател Владимир Путин и за Нетанјаху.

извор