Рене Реџепи, 10 недели, 30 оброци и 1 нов ресторан во Австралија
4 февруари 2016
Вести › Набрзинка
Словенија прва во ЕУ воведе санкции за Израел
18 јули 2025
- Словенија стана првата членка на ЕУ што воведе санкции за израелските власти поради бруталната војна во Газа.
- На министрите Безалел Смотрич и Итамар Бен Гвир од кабинетот на Бенјамин Нетанјаху им е забранет влезот во Словенија поради нивните „геноцидни изјави“.
- „Двајцата министри јавно се залагаа за проширување на илегалните израелски доселенички населби на Западниот Брег, на присилно иселување на Палестинци и повикуваа на насилство против цивилното палестинско население“, објави министерката за надворешни работи Тања Фајон.
- Министерката додаде дека одлуката е реакција на одлуката на нејзините колеги од ЕУ на состанокот во вторникот да не преземат колективна акција против Израел поради прекршување на човековите права.
- Словенија лани ја призна Палестинската Држава. Претседателката Наташа Пирц Мусар во мај пред Европскиот парламент го осуди геноцидот во Газа и побара од ЕУ да преземе цврста акција против Израел.
Трамп помодрел од стискање раце
18 јули 2025
- Доналд Трамп страда од хронична болест на вените, која не е опасна и е вообичаена за луѓе постари од 70 години, објави Белата куќа.
- Фотографии на помодрената рака и потечените глуждови на Трамп поттикнаа бран шпекулации за состојбата на 79-годишниот претседател.
- Сеопфатен преглед, кој вклучувал и васкуларно тестирање, покажал дека отокот на глуждовите е последица на хронична венска инсуфициенција, која се јавува кога вените на нозете не успеваат да ја пумпаат крвта до срцето, па таа се собира во долните екстремитети. Не биле откриени траги од тромбоза или артериска болест. Како третман се препорачува носење компресивни чорапи.
- „Состојбата е бенигна и честа, особено кај луѓе над 70 години. Дополнителните тестирања не покажаа знаци на срцева слабост, бубрежна инсуфициенција или системска болест кај Трамп. Севкупно тој е во одлична здравствена состојба“, забележал лекарот на Белата куќа, Шон Барбабела.
- За вообичаени се оценети и модринките на рацете, кои се видливи на поздравувањето на Трамп со премиерот на Бахреин и со францускиот претседател Макрон во февруари. Тие веројатно се последица на често и цврсто ракување, во комбинација со редовното земање аспирин, како превентива против згрутчување на крвта и срцев удар.
