- Луѓе проценуваат дека вистинскиот број на заразени е 50 до 100 пати поголем од она што се регистрира. Сега пандемијата навистина стигна.
- Има куп луѓе кои се негативни на ковид, а се болни. Зошто? Затоа што имунолошкиот систем пропадна за две години. Недостаток од витамин Д, недоволна изложеност на нормални бактерии, изолации, депресии, прекумерна употреба на алкохол и дрога - сето тоа страшно го наруши здравјето.
- А не е само ковид. Првиот човек за животно осигурување во Индијана рече дека смртноста на лицата меѓу 18 и 64 години пораснала за 40%. Тука има самоубиства, предозирања и секаков друг хорор.
- Денес земјата ни е поболна од кога било во нашите животи. Станува јасно за какво фијаско од политики се работеше. Но тоа нема да биде крајот. Следат децении пекол во кои ќе го плаќаме она што ни се случи, пишува Џефри Такер, основач на Институтот Браунстон.
- Собранието ги усвои измените на Законот за административни службеници со кои административците што две години по ред ќе добијат оценка „1 - не задоволува“ ќе го загубат работното место.
- Освен построги правила за оценување, законските измени носат и промени во напредувањето, дисциплинската одговорност и организацијата на административната служба. Власта тврди дека целта е поефикасна, потранспарентна и попрофесионална администрација, додека опозицијата предупредува дека дел од решенијата отвораат простор за политички притисоци врз вработените.
- Една од клучните новини е укинувањето на можноста за унапредување без претходно објавување интерен оглас.
- Опозициската СДСМ не ги поддржале измените. „Една работа да пофалевте, да речете добро е, се исправи една работа“, рекол координаторот на пратеничката група на ВМРО ДПМНЕ Никола Мицевски.
- Вештакот Петре Русески, ангажиран од одбраната во случајот со пожарот во дискотеката „Пулс“ во Кочани, на денешното рочиште рече дека не смета дека постои основ за негово изземање, откако Обвинителството откри дека е обвинет за давање лажен исказ во друг предмет.
- Рекол дека за обвинението против него 2 години немало рочиште.
- Русески остана на ставот дека од градежен аспект објектот одговорил на својата намена и дека изведените зафати претставувале „градежно-занаетчиски работи“. Овој вештак го изработи градежното вештачење за одбраната на првообвинетиот Дејан Јованов и за двајца други обвинети.
- Родителите на децата што ги загубија животите во пожарот во дискотеката Пулс, остро реагираа на изнесените тврдења во судницата од страна на вештакот на одбраната и на минатото рочиште. Александар Наунов, во изјава за медиумите на паузата од минатото рочиште, истакна дека “изведените градежни зафати не може да се третираат како обични занаетчиски работи со цел да се избегне одговорноста за градење без одобрение”, потенцирајќи дека судскиот процес “не е само за градежни конструкции, туку за безбедноста, одговорноста и загубените човечки животи”.
