Вести › Набрзинка

Преку 50 држави побарале преговори со Америка

6 април 2025

Над 50 земји стапиле во контакт со Белата куќа за да иницираат трговски разговори, откако Трамп воведе глобали царини за земјите со кои има трговски дефицит.
За само два дена американските акции паднаа за околу 10 откако Трамп го објави новиот тарифник, кој испадна уште поагресивен отколку што очекуваа аналитичарите и инвеститорите.
Министерот за финансии, Скот Бесент потсети дека и после победата на Трамп во 2016 гофина пазарот се срушил, но верува дека тој сепак ќе биде нај про-бизнис претседател кој Америка го имала, можеби во целата нејзина историја.
Додека светот стравува од трговски војни и рецесија, економските подржувачи на Трамп се уверени дека со последните мерки, САД паметно се позиционираат на глобалниот пазар.

п.с. Телефонот на Белата куќа е +1 202-456-7041

извор

Шведска: Построгите мерки за државјанство ќе важат ретроактивно

6 јуни 2026

Агенцијата за миграција на Шведска објави дека од денеска ги спроведува новите и построги критериуми за доделување шведско државјанство на странци, усвоени на 29 април. Но, мерките нема да важат само за новите апликации, туку ќе бидат проверени и сите што се во процедура – околу 100.000.
Шведска е првата земја во Европа што ретроактивно применува правила за натурализација на тековните апликации. Просечното време на обработка моментално е околу 56 месеци.
Со новиот закон, минималниот престој во земјата за стекнување право на барање за државјанство се зголемува од 5 на 8 години. Барањето треба да биде поткрепено со доказ за примања од 20.000 круни месечно (1.800 евра). Исклучоци има за деца, пензионери и лица со траен инвалидитет.
Мигрантите што отслужиле затворска казна над 4 години ќе мора да чекаат 15 години пред да аплицираат.
Одредбите ќе се воведуваат постепено, заклучно со 1 октомври 2027 година. Од август ќе почнат тестирања за познавање на шведското општество. Подоцна ќе бидат воведени и тестови за разбирање, читање и слушање на шведскиот јазик.

извор

Пентагон избриша 180 вери од списокот признати религии

6 јуни 2026

Министерството за одбрана на САД го скрати списокот на признаени религиозни вери и системи на верување од досегашните 211 на само 31, по налог од министерот Пит Хегсет.
На скратениот систем има дури 22 посебни христијански групи. Покрај нив, признаени се и будизмот, бахаизмот, хиндуизмот, исламот, јудаизмот и сикизамот. Се признаваат и агностицизам, друга вера и ниедна вера.
Претходниот список со 211 официјално признаени вери за воениот персонал беше објавен во 2017 година, во првиот претседателски мандат на Доналд Трамп.
„Претходниот систем беше непрактичен и неупотреблив, а многу кодекси воопшто не се користеа. 82% од персоналот кои се идентификуваат како религиозни користат само шест од кодексите“, изјави Хегсет во март, кога ги најави промените.

извор