- Виш суд во Виена му ја поништи казната на поранешниот австриски канцелар Себастијан Курц поради лажно сведочење во парламентарна истрага за корупција.
- Курц лани беше осуден на осуммесечна условна затворска казна затоа што во јуни 2020 година пред парламентарна комисија дал лажни изјави за својата улога за формирањето холдинг што ја претставувал државата во некои компании.
- Поради аферата „Ибица“ падна коалициската влада на Курц, а тој беше првиот поранешен канцелар на кого му се судеше во изминатите 30 години во Австрија.
- Вишиот суд го ослободи Курц од сите обвиненија, но ги потврди оние за неговиот поранешен шеф на кабинет Бернхард Бонели во истата афера.
- Американското Национално јавно радио (НПР) и три радиостаници од Колорадо го тужат претседателот Доналд Трамп пред федерален суд во Вашингтон поради тоа што им го блокирал пристапот до фондови одобрени од Конгресот на САД.
- Трамп на 1 мај потпиша наредба за укинување на федералното финансирање за НПР, наведувајќи дека сервисот „објавува вести и содржини кои не се фер, точни и непристрасни“.
- НПР тврди дека претседателот го прекршил Првиот амандман од Уставот, кој ја заштитува слободата на говорот и на печатот, и ги узурпирал правата на Конгресот да усвојува закони и да решава како ќе се трошат федералните пари.
- „Наредбата го загрозува опстанокот на јавниот радиски систем, кој им служи на милиони Американци за да добиваат витални вести и информации“, додава НПР.
