Вести › Набрзинка

Почина последниот советски лидер Михаил Горбачов

31 август 2022

Горбачов почина на 91 година во болница во Москва.
Изминативе години тој константно има проблеми со здравјето па на повеќе наврати е хоспитализиран. Последен пат во јуни беше објавено дека тој е примен во болница заради проблеми со бубрезите.
Горбачов на 54 години, во 1985, стана генерален секретар на Советската комунистичка партија, а со тоа и лидер на СССР.
Тој успеа да го отвори СССР кон Западот, но не и да го спречи неговиот распад.

извор

Ванковска: Што ако ни преостануваат само уште два месеца?

25 ноември 2024

Нашиот народ, пак, има стара изрека: тамам сиромавиот (се мисли на најсиромашната држава во Европа, секако) се фатил за орото, а тапанот се скинал. Така и ние со членството во НАТО. За него жртвувавме и име и уставен суверенитет, се пониживме како ниту една нација на светот, станавме просјаци пред портите на воена алијанса што безмилосно ги рекетира сите свои членки за наводна безбедност.
На почетокот и јас помислив дека одлуката за употреба на западно оружје врз Русија е само последен очајнички чин на злобниот, војнохушкачки глупак, со цел да го саботира преземањето на власта од страна на Трамп. Но брзината со која овој дементен старец беше поддржан од релативно разумни, иако злобни лидери на Англија и Франција, покажува поинаква перспектива. Ова не е лична или меѓупартиска борба меѓу Бајден и Трамп. Главниот влог го има НАТО, на чие чело обично стои мистер Стрејнџлав, а сега и локните на Рада.
За да остане релевантен, НАТО мора да стори две работи: 1) да се фокусира на достоен надворешен непријател и 2) да ги натера САД да ја финансираат целата операција. Со овие два елемента, НАТО може и натаму да ги држи Русите надвор, а Германците на колена. Тоа, на крајот на краиштата, отсекогаш беше нивната примарна цел, зарем не?

извор

Почина владиката Тимотеј

25 ноември 2024

На болничко лекување поради проблеми со срцето, на 73-годишна возраст почина дебарско-кичевскиот митрополит Тимотеј, воедно и портпарол на Синодот на Македонската православна црква-Охридска архиепископија.
Роден е на 20 октомври 1951 година во Младо Нагоричане, кумановско, како Славе Јовановски. По завршување на средното богословско училиште, дипломира на Богословскиот факултет во Белград па заминува на постдипломски студии на Понтификалниот ориентален институт во Рим каде ја подготвува и докторската дисертација, но, на повик на Синодот на МПЦ, се враќа да биде предавач на Богословскиот факултет во Скопје.
Замонашен а подоцна и хиротонисан за архиереј во манастирот Бигорски.

извор