Вести › Набрзинка

Пендиков ќе добие стан, пари и лично обезбедување во Софија

7 февруари 2023

Христијан Пендиков, секретарот на бугарскиот клуб од Охрид кој неодамна беше тепан и потоа лекуван во Софија, откако видно оздравен излезе од Воената болница и беше примен од претседателот Румен Радев и потпретседателката Илијана Јотова, ќе биде сместен во стан во главниот град на Бугарија кој ќе му го плаќа таа држава.
Ќе добива и дневници за да може да живее заедно со мајка му, најави техничкиот премиер Николај Милков.
Станот ќе му го плаќа МВР, дневниците МНР а во најбрз можен рок ќе му се доделело и бугарско државјанство.
Башка ќе се проценувало дали и какво обезбедување му треба.

извор

ЕУ бара Хрватска да ги исфрли турските и кинеските градежни фирми

5 ноември 2024

„Се отвора Пандорината кутија“, велат луѓе кои се бават со јавни набавки во една хрватска државна фирма по повод скорешна одлука на Судот на ЕУ.
Очекуваат тектонски промени во јавните набавки во земјата, особено за големите инфраструктурни зафати кои ги изведуваат државни фирми, откако судот порача дека компании од трети земји кои немаат склопено меѓународен договор со ЕУ, не можат да учествуваат во јавните набавки во земјите од Унијата.
По тужба на турска компанија која изгубила од австриски конкурент (за железничката пруга Хрватски Лековац - Карловац) , Судот решил дека бидејќи Турција нема договор за слободна трговија со ЕУ, не смее да има пристап кон пазарот на јавни набавки и заштита на правата.

извор

Пензионирани инспектори на МВР работеле за кланот „Грчец"

4 ноември 2024

Полицијата приведе двајца Пензионирани полициски инспектори кои со години работеле како полициски кртови за криминалната група од скопски Грчец.
Пензионираните инспектори преку третото лице ја информирале криминалната група за активностите на полицијата во повеќе случаи на убиства, киднапирања и планови на полицијата. Во 2019та полицајците во име на криминалната група дури и му се заканувале на едно лице да го смени исказот а неполна година подоцна ги известиле криминалците дека полицијата ќе прави рација поради што и пропадна големата полициска акција против оваа група во јавноста позната под кодното име Планина.
Не запреле тука. Наредната година ги информирале криминалците и за двојното убиство во скопски Чаир. Им кажале кој се е приведен, што зборувал во полициска станица и кои инспектори го работат случајот. За сите информации биле дебело платени.

извор