- Новинар случајно го уловил папата Франциско како излегува од Фиат 500 и влегува во музичка продавница.
- Не купил ништо но излегол со ЦД со класична музика кој му го подарил сопственикот на продавницата.
- 85 годишниот Франциско има пораснато слушајќи опера на радио, фан е на аргентинско танго и тврди дека музиката на Моцарт го воздигнува човека до Бога.
- Европската централна банка претстави вкупно десет дизајни на идните евра, поделени во две тематски групи, за да можат граѓаните да го изберат победникот со гласање онлајн.
- Во групата мотиви „Европска култура“ се пет различни дизајни на портретите на Марија Калас (на банкнототата од 5 евра), Лудвиг ван Бетовен (10 евра), Марија Кири (20 евра), Мигел де Сервантес (50 евра), Леонардо да Винчи (100 евра) и Берта фон Зутнер (200 евра). На реверсот се „сцени од јавниот живот“.
- Како алтернатива се понудени пет различни дизајни „Птици и реки“. На реверсот се прикажани најважните институции на ЕУ.
- Гласањето е отворено до 21 септември, победничкиот дизајн ќе биде објавен до крајот на годината, а новите банкноти ќе се пуштат во оптек по неколку години и ќе се користат паралелно со старите.
- Сите предложени дизајни се претставени тука.
- По повеќемесечно натегање, прегласување и политички игри во Брисел, ЕУ го усвои привременото продолжување на контроверзниот закон за скенирање на приватни онлајн пораки.
- Законот Chat Control ќе важи до 3 април 2028 година. На платформите им се дозволува доброволно да ги скенираат пораките со цел да откријат и да пријават материјали поврзани со сексуална злоупотреба на деца.
- Граѓански организации и активисти за дигитални права предупредуваат дека секоја форма на масовно автоматизирано скенирање на приватните разговори создава опасен преседан за надзор на граѓаните.
- Законот го поддржаа 25 членки на ЕУ. Холандија беше воздржана, а единствено против беше Полска, која традиционално има многу цврст став против мерки за надзор врз комуникациите, сметајќи дека тие ја нарушуваат приватноста и правото на тајност.
- Целосно заштитени од проверка ќе останат само комуникациите преку платформите што користат шифрирање од крај до крај (end-to-end encryption), како WhatsApp или Signal.
