- Незавршени, и неставени во употреба патишта, како и локални улици се дел од листата на Владата за „изградени нови 1300 километри патишта“.
- За време на владеењето на премиерот Ковачевски, нов е само експресниот пат Крупиште-Кочани, а на останатите километри патишта е извршена реконструкција.
- Како пример за успех на Владата е наведена и улицата Париска во населбата Тафталиџе 1, иако парите за нејзина реконструкција се од Светска банка.
- Европскиот парламент усвои резолуција со која трансродовите жени се признаваат за жени, во рамките на политиката на ЕУ за родова еднаквост. Експлицитно дозволува на мажи што се идентификуваат како жени да имаат пристап до засолништа за жени од најранлива категорија - како центри за жртви на семејно или сексуално насилство.
- Резолуцијата не е правно обврзувачка за членките на Европската Унија, но го дефинира ставот на ЕУ на меѓународно ниво. Документот ќе биде основа на позицијата на ЕУ на претстојната сесија на Комисијата на ОН за статусот на жените во март во Њујорк.
- „Парламентот ја истакнува важноста на целосно признавање на трансродовите жени за жени, и забележува дека нивната инклузија е клучна за ефикасноста за секоја политика за родова еднаквост и против насилство. Повикува на признавање и еднаков пристап на трансродовите жени во програмите за заштита и поддршка“, пишува во резолуцијата.
- Пратеници бараа посебно да се гласа само за овој параграф, но тоа беше одбиено и документот беше претставен во целост, заедно со општите ставовите за поддршка на правата на жените, за репродуктивното здравје и против дискриминација. Резолуцијата беше одобрена со 340 наспроти 141 глас.
- Пратеници од групите што гласаа против инсистираа Парламентот да се придржува до категоријата „жена“ во меѓународните договори. Групата CitizenGO оцени дека резолуцијата е составен дел од родовата идеологија и од агендата против абортусот.
- Европскиот парламент ги укина традиционалните награди за проекти од граѓани, пред сè како дел од мерките за кратење трошоци, но и поради тоа што го немале „очекуваното влијание врз медиумите“.
- Од 2008 година ЕУ наградуваше по 50 граѓански проекти, за кои оценуваше дека придонесуваат за соработка и промоција на европските вредности. По изборите во 2024 година беше запрено издвојувањето пари, а сега наградата е укината.
- Мерката ќе заштеди околу 200.000 евра годишно, главно од буџетот за комуникации за кој се издвојуваат 127 милиони евра.
- „Наградата се покажа како сложен процес кој бара многу ресурси, а испорачува минимални резултати и има занемарливо влијание врз медиумите... Искуството покажа дека наградените проекти не привлекоа доволно внимание на локално и регионално ниво и не придонесуваа значително за видливоста на Парламентот“, објаснува генералниот секретар Алесандро Кокети.
- Тој истакна дека наградата повремено ја оцрнувала репутацијата на Парламентот поради „сомневањата за политичко влијание врз некои номинации или обвинувањата за злоупотреба во кои се вклучени некои добитници“.
