Вести › Набрзинка

Обвинет поранешниот шеф на ФБИ што водеше истрага за Трамп

26 септември 2025

Џејмс Коми, поранешниот директор на ФБИ во мандатот на Барак Обама, е обвинет за лажно сведочење пред Конгресот и за попречување на работата на конгресмените.
Во краткото известување се објаснува дека обвинението е поврзано со сведочењето на Коми од 2020 година за протекување на тајни документи во врска со истрагите за Доналд Трамп и Хилари Клинтон. „Коми намерно и свесно дал материјално лажна и измамничка изјава... наведувајќи му на американски сенатор дека не овластил некој друг во ФБИ да биде анонимен извор во новински извештаи за истрага што ја води ФБИ“.
Коми возврати дека не е виновен и дека тоа ќе го докаже пред суд. „И јас и моето семејство ја знаевме цената на спротивставувањето на Доналд Трамп, но не можевме да замислиме да живееме на друг начин. Нема да живееме на колена“, порача Коми.

Тој е првиот поранешен шеф на ФБИ што е обвинет за кривични дела. Му се заканува максимална казна од пет години затвор, но правни експерти тврдат дека случајот е „слаб“ и дека ќе биде многу тешко обвиненијата да се докажат пред суд.
Коми во 2016 година ја надгледуваше истрагата за протекувањето на имејловите на Хилари Клинтон, а потоа и истрагата за руско мешање во кампањата на Трамп. Пред неколку месеци беше цел на истрага, откако на Инстаграм го објави бројот „8647“, што се смета за шифрувана порака за „елиминирање на 47-от претседател на САД“.

извор

Заради пијани туристи, Сплит забранува ноќно продавање алкохол

3 јули 2026

Повраќање по улици, уринирање на јавни места, спиење по влезови, тепачки и гласно викање до раните утрински часови се неизбежен летен декор на популарните туристички дестинации како што е Сплит.
Градот ќе проба да стави крај на ова со забрана за продажба на алкохолни пијалоци во продавниците од 21 часот до 6 часот наутро.
Во јуни Брзата помош интервенирала во 50-тина случаи на алкохолизирани на јавни места, повеќе од нив млади туристи од странство.
„Ќе се изнакупуваат алкохол пред девет навечер,“ вели жител на градот кој не верува дека мерката ќе даде резултат.

извор

Иран очекува 20 милиони луѓе на погребот на ајатолахот Али Хамнеи

3 јули 2026

Иранските власти очекуваат близу 20 милиони луѓе на државниот погреб на ајатолахот Али Хамнеи и на шестдневните церемонии на национална жалост. Хамнеи беше убиен во ракетен напад на 28 февруари – на првиот ден од војната со САД и Израел.
Церемонијата почнува утре во Техеран и Ком, а погребот е закажан за в четврток на 9 јули во Машхад – родното место на Хамнеи. Претседателот Масуд Пезешкијан ги повика сите Иранци да го испратат ајатолахот.
Мерките за безбедност се засилени мерки поради екстремните горештини, со температури до 40 Целзиусови степени, како и поради очекувањата за првото појавување во јавноста на Моџтаба Хамнеи откако беше избран за ајатолах. Моџтаба беше тешко ранет при нападот во кој загина неговиот татко.
Присуството на погребните церемонии го потврдија претседателите на Грузија и Таџикистан и премиерите на Ерменија и Пакистан. Државни делегации испратија Турција, Кина, Русија, Индија, Бангладеш и Авганистан.
Според ирански државни медиуми, свои претставници на комеморациите испратиле и антихегемонистички движења од Италија, Холандија, Британија, Данска и Австрија.

извор