- Финска ќе му дозволи на НАТО да постави нуклеарки на границата со Русија доколку земјата биде примена во Алијансата.
- Финска и Шведска уште во мај поднесоа апликација за влегување во НАТО која рапидно се одобрува од членките на Алијансата, освен од Турција.
- По аплицирањето, финските власти порачаа дека тие нема од НАТО да се повикуваат на никакви „рестрикции или национално оградување“ ако бидат примени, што значи дека земјата нема да има забелешки за поставување нуклеарно оружје или НАТО бази на нејзина територија.
- По јавните полемики и сомнежи поврзани со нејзината работа во Државната комисија за спречување на корупцијата, Цвета Ристовска поднесе оставка во ова тело.
- „Жалам доколку одредени околности, вклучително и можни административни пропусти, доведоа до неосновани сомнежи во јавноста. Во сите ситуации во моето работење во Комисијата во кои постоеше можност за потенцијален судир на интереси барав изземање, согласно законот. Никогаш немав намера да прикријам информација, напротив, ги почитував законските обврски“, вели таа.
- На почетокот на месецов ДКСК отвори два предмети за нивната колешка: едниот во врска со фирма на еден од синовите на Ристовска која добивала пари за кампањата за претседателските избори во 2024 година, а другиот за наводите дека во својот анкетен лист не пријавила дека двајцата нејзините синови имаат фирми за маркетинг.
- Се засилија шпекулациите дека сопственикот „Ворнер Брос. Дискавери“ ќе ја продаде CNN, откако новите податоци од агенцијата Нилсен покажуваат дека телевизиската мрежа изгубила околу две третини од својата публика во изминатата деценија. Планот е кабелската ТВ да се одвои во посебна компанија, а нејзините бизниси за стриминг и студијата да му се продадат на Нетфликс.
- Во 2016 година, CNN имаше просек од 1,3 милиони гледачи во ударниот термин. Една деценија подоцна, мрежата има просек од само 553.000. Во јануари емисиите на најплатените новинари Андерсон Купер, Ерин Барнет и Кејтлан Колинс имале просек од 488.000 гледачи.
- Падот на гледаноста се поврзува со одлуката од 2016 година уредувачката политика целосно да се фокусира против Трамп. Тоа ѝ се исплатеше на CNN во неговиот прв мандат, но рејтингот почна да опаѓа кога претседателот Бајден ја презеде функцијата и продолжи откако Трамп се врати во Белата куќа.
- Иако се фали со гледаноста на содржините преку стриминг, податоци од февруари покажуваат дека поголема публика имале репризи на Fox News емитувани после полноќ отколку емисии на CNN во ударен термин попладне.
