Вести › Набрзинка

Не сто, илјадници напикани во ЈП-а треба да ни се скинат од врат

16 септември 2022

„Во време на најголема криза во најава, од работа се планира да се избркаат 100 работници од ова јавно претпријатие“, ламентира Стефан Андоновски од ВМРО ДПМНЕ.
Тоа се недолжни работници кои посветено си го вадат својот леб од работата во јавното претпријатие, вели тој.
За отпуштањата во водовод, Арсовска вели дека тоа се луѓе кои седат дома или не работат, а земаат плата.
Директори на ЈП-а од ВМРО ДПМНЕ масовно даваат откази. Последни се директорите на Улица и патишта, Лајка и ЈСП Турс.
Доктор Никола Пановски, советник во град Скопје од ЛДП, вели дека Арсовска не ферма никого и 10 месеци промовира некултура и омаловажување на советниците.
Едно од најглупите прашања на тема Скопје ќе го прочитате овде.

23 април 2026

Зоран Ристовски – Ѓуза е новиот прв човек на јавниот сервис кој доби доверба од програмскиот совет на Македонската радиотелевизија да ја води медиумската куќа во наредниот тригодишен мандат.
Тој на оваа функција го наследува Марјан Цветковски кој беше на чело на јавниот радиодифузен сервис речиси 14 години.
Како негови конкуренти што се пријавиле на конкурсот, вкупно седум, биле и Тони Гламчевски, Искра Ребац, Перо Попов, Зоран Богатинов, Сотир Сотировски и Игор Себишки.
Извори на „Фокус“ присутни на седницата велат дека неговата програма на повеќе од сто страници се издвојувала по квантитет и студиозност во пристапот. Други програми биле напишани само на неколку страници, некои од нив најверојатно само со користење на вештачка интелигенција.

23 април 2026

Куќниот притвор на поранешниот вицепремиер и министер за политички систем, Артан Груби, му е продолжен за нови 30 дена.
Од затворски, Груби беше префрлен во куќен притвор на барање на Обвинителството кое таквата одлука ја донело врз основа на тоа дека се обезбедени голем број докази, дека истиот доброволно се пријавил на органите на прогонот (ма, срцка!), како и дека постојат индиции дека во притворското одделение не може да се гарантира неговата лична безбедност.
Груби е второосомничен во случајот со проневери во „Државна лотарија“. Избега од земјава уште пред Обвинителството официјално да отвори истрага а оо повеќе од една година во бегство, се појави на граничниот премин „Блаце“.
Првоосомничен Прпарим Бајрами, сè уште е недостапен.