Планираното видео-вклучување на Зеленски на последната фестивалска вечер на Сан Ремо наиде на критики во Италија, земја во која поддршката за Киев, во најдобар случај е млака.
„Ако Зеленски наоѓа време за таква работа, тогаш ОК. Само што јас од Сан Ремо очекувам да слушам песни“, изјавил вице-премиерот Матео Салвини.
Поранешниот глумец и комичар, се вклучи и во Голден Глоуб а неговата сопруга Олена се сликаше за магазинот Вог.
До даљнег, најцарското појавување на Сан Ремо го држи Ибра.
Администрацијата на Доналд Трамп испитува како врз економијата би се одразил можниот скок на цените на нафтата до 200 долари за барел. „Целта е да се осигури дека администрацијата е подготвена за сите непредвидени ситуации, вклучително и продолжен конфликт“, велат извори на Блумберг.
Портпаролот на Белата куќа, Куш Десаи, го нарече извештајот „лажна вест“. Министерот за енергетика Крис Рајт на 12 март изјави дека поскапување на нафтата на преку 200 долари за барел е „малку веројатно.
Суровата нафта од 200 долари би била огромен шок за светската економија. Тоа ниво, со пресметана инфлација, било достигнато само еднаш во последниот половина век - во 2008 година, непосредно пред глобалната финансиска криза.
Блумберг предвидува дека ако нафтата достигне 170 долари за барел, тоа за неколку месеци ќе ја зголеми инфлацијата за САД и Европа и ќе го намали економскиот раст.
Танкер за сурова нафта во сопственост на турска компанија бил погоден во координиран напад со летечки и пловечки дронови близу Истанбул, 14 милји од Босфор. Никој не ја презеде одговорноста за нападот.
Танкерот „Алтура“ испловил со 140.000 тони сурова нафта од Новоросијск, на рускиот брег на Црно Море. Дроновите предизвикале штета на палубата и во машинското одделение, кое се наполнило со вода.
Министерот за транспорт Абдулкадир Уралоглу изјави дека нема повредени меѓу 27-те члена на екипажот.
Танкерот бил под санкции од Европската Унија, класифициран како брод од „Флотата во сенка“ на Русија.
