Вести › Набрзинка

Митко Билјаноски: Украинските шинели

9 февруари 2022

Разузнавачки офицери и генерали во Пентагон со недели наназад ја бомбардираат јавноста со детални описи како ќе се одвива инвазијата врз Украина. Бројат сѐ до последен шлем, пушка, тенк и ракета, ги постројуваат војниците по баталјони, внимателно го следат возниот ред на возовите што доаѓаат од Сибир, до каде стигнале полските болници и резервите со крв за ранетите.
А Владимир Владимирович, тивко и упорно повторува: Русија не планира инвазија врз Украина. Зошто, по ѓаволите, би планирала?
Во сите овие воени, пропагандни и дипломатски маневри малку кој мисли на Украина, соочена со две зла. Дури и да избегне војна, ќе остане бојно поле на кое Западот и Русија од своите ровови ќе се препукуваат со закани, провокации, кибернетски артилерии и што уште не.

извор

Српска изборна класика: Вучиќ победува, опозицијата не признава

9 јуни 2025

Завршија вонредните локални избори во Заечар и Косјериќ, кои се гледаа како лакмус за расположението на народот после 6 месечните протести и блокади на студентите и граѓаните кои ги поддржуваа.
Повикувајќи се на записниците кои ги имаат потпишано и опозиционите учесници во изборите, Александар Вучиќ соопшти дека неговата Српска напредна странка во Косјериќ победила тесно а во поголемиот Заечар убедливо.
Рече дека изборите минале во услови досега невидени на српската политичка сцена и атмосфера на линч, прогон, малтретирање на граѓаните, закани, уцени, кршење на сите законски норми, кршење на елементарните изборни правила...
Вучиќ е горд и задоволен од резултатите, особено на оние во Заечар кадешто освоиле 3.000 гласови повеќе од минатите избори.
„Невидена кражба,“ соопшти опозицијата и порача дека не ги признава резултатите по што повика на протести пред владата.