Вести › Набрзинка

Лажното ветување од ЧетГПТ

12 март 2023

Човечкиот ум не е, за разлика од ЧетГПТ, статистички мотор што трупа компатибилни шаблони, троши стотици терабајти податоци и го извлекува најверојатниот одговор на некое научно прашање. Напротив, човечкиот ум е изненадувачки ефикасен, па дури и елегантен систем, кој работи со малку информации и се обидува да создаде интелигентни објаснувања, велат Ноам Чомски, Иан Робертс и Џефри Ватумул во колумна за Њујорк тајмс.
Таквите програми се заглавени во некоја претчовечка или нечовечка фаза на когнитивната еволуција. Нивната најдлабока маана е отсуството на најклучната вештина на која било интелигенција: да кажат не само што е така, што било така и што ќе биде така - тоа е опис и предвидување - туку и што не е така и што би можело и не би можело да биде така. Тоа се состојките на објаснувањето, знакот на вистинската интелигенција.
Додека луѓето се ограничени во типовите објаснувања што рационално можеме да ги претпоставиме, машинските учечки системи можат да научат и дека земјата е рамна и дека земјата е тркалезна. Тие работат само со веројатности што се менуваат со текот на времето. Од оваа причина, предвидувањата на машинските учечки системи секогаш ќе бидат површни и сомнителни.

извор

Трамп нè пеплоса, нафтата пак отиде над стотка

9 септември 2026

За првпат после јули, цената на нафтата отиде преку психолошката граница од 100 долари за барел.
Цената ја следеше ескалацијата на односите меѓу САД и Иран. Американците се пофалија дека уништиле пет ирански танкери за нафта, овие возвратија со напади врз американскиот сојузник Јордан и советуваа танкерите во Кувајт и Бахреин да се евакуираат.
Европскиот STOXX 600 падна околу 0,7%, а во минус беа и германскиот, францускиот и британскиот индекс. Но, најголема опасност е инфлацијата.
Пред војната, нафтата беше околу 70 долари за барел.

извор

Мицкоски: Сите настани поврзани со прославата на 8. Септември, граѓаните и Буџетот ги чинеа нула денари

9 септември 2026

„Имам лоша вест за сите оние кои шпекулираа, негодуваа, клеветеа, пласираа лажни информации, а молчев. Не сакав да зборувам затоа што оставав сето тоа што претставуваше навистина посебен момент за градовите низ земјава да биде посебен момент и за граѓаните во тие градови. Имаше таков настан и тука, во Штип. Лошата вест е дека буџетот сите овие настани го чинат нула денари. И граѓаните и буџетот сите овие настани ги чинат нула денари“, рекол премиерот во Штип.
Нагласил дека сето ова што го говори може слободно да се провери на „Отворени финансии“ и нагласи дека сè било организирано од општествено одговорни компании.
„Жалам што кај поединци работи Фројд, што мислат како тие би правеле, па мислат дека и некој друг така прави. Но, ова е домаќинска Влада. Ова е Влада промакедонска, која се грижи за граѓаните, пронародна, и секој денар, секој денар буџетски средства се троши на транспарентен начин“, пренесува Фокус.

извор