- Во интервју за порталот Новости, словенечкиот бенд кој наскоро ќе настапи во Загреб потсетува дека огромен број фантастични уметници се родум од Украина: Маљевич, Гогољ, Булгаков, Ана Ахматова...
- Путин е реликт од Студената војна и требаше таму да остане. Истото важи и за Бајден и НАТО кои со своите агресивни геостратешки планови за атомско опколување и дестабилизирање на Русија, како и на Кина, сносат голема одговорност за настанатата ситуација. Европа нема ни да ја спомнуваме. Таа одамна го има изгубено својот стратешки компас.
- Можеби сега Украина ќе биде војнички „неутрална“ и до некоја мера „денацификувана“, но цената која за тоа ќе ја платат двете држави едноставно е преголема и - особено во Украина - премногу трагична.
- Winamp и Deezer објавија дека подготвуваат нова генерација на лгендарниот плеер која ќе пристигне во првата половина на 2027 година.
- Ќе оди под брендот Winamp, со стриминг кој ќе го напојува Дизер. Винамп го задржува својот изглед и идентитет а Дизер ќе работи невидливо во позадина.
- Винамп беше генерички поим за .мп3 плеер (како пента, џип, пелистерка...) пред да издоминираат Јутјуб, Спотифај и слични.
- Денес тоа е еден од ретките софтвери кој е постар од поголемиот дел од публиката. Поради навика, инерција или носталгија, сè уште го користат околу 40 милиони луѓе во светот, без денар во маркетинг последниве десетина години.
- Платформата Truth Social на Доналд Трамп понуди нова услуга за привилегиран и ран пристап до објави на најактивните профили. Иако не е директно спомнат, се алудира на профилот на Трамп, кој има 13 милиони следбеници.
- Бизниси и лица што може да си дозволат да плаќаат 100.000 долари месечно за услугата Truth API ќе имаат „директен и лиценциран пристап во реално време на објавите на платформата“. Другите ќе имаат пристап до објавите со задоцнување.
- Критичарите тврдат дека услугата е очигледен пример за манипулација на пазарот и тргување со инсајдери. Трамп постојано преку Truth Social ги објавува своите најважни одлуки, особено оние што се поврзани со војната во Иран и со царините. Досега имало низа случаи на добивки од сомнителни трансакции на берзите и од облози направени непосредно пред претседателот да објави промени во политиката.
- Сенаторите Адам Шиф и Елизабет Ворен ја повикаа Комисијата за хартии од вредност да ја испита новата услуга и да истражи дали Truth Social го крши законот. „Се чини дека ова е скандалозна злоупотреба на функцијата на претседателот за негова лична корист што ги поткопува секојдневните инвеститори и интегритетот на нашите пазари, а воедно ги збогатува Волстрит и другите богати инсајдери“, напишаа сенаторите.
