- Канон во САД е тужен затоа што ги оневозможува корисниците на негови уреди да ги користат скенерските и факс функции кога во него нема принтер.
- Тоа го забележал корисник чиј „сè во едно“ уред бил блокиран за секаква работа, додека не стави нов тонер.
- „Немаше да платам толкави пари ако знаев дека без тонер, уредот кој и скенира и праќа факсови ќе ми биде за украс,“ се вели во тужбата.
- Во серија налудничави објави на социјалните мрежи, американскиот претседател, меѓу другото, порача дека „Месечината е наша.“
- Објави и црно-сиви дизајн на униформите на Американските вселенски сили кои наликуваат на империјалната армија во Војна на ѕвездите.
- Уште е во фаза на преименување на работите па објави и мапа на Ново Мексико, со прецртано „Мексико“ и додадено „Америка.“ Тоа 47-та држава која се придружи на унијата во 1912 година.
- Што се однесува до вселената, од 1967 година постои нешто што се вика „Договор за вселената“, потпишан од САД и над 100 други земји кој експлицитно наведува дека вселената, вклучувајќи ја Месечината и другите небесни тела, не е предмет на национално присвојување преку барања за суверенитет, употреба, окупација или на кој било друг начин.
- После присвојувањето на Месечината, некои мислат дека Трамп ќе тргне и кон Сонцето а други се загрижени за Марсовците и сметаат дека треба да бидат предупредени што може да ги чека.
- А од официјалната сметка на Белата куќа, Доналд Трамп го објави и ова:
- Дури 89% од возрасните Американци сметаат дека корупцијата во владата е широко распространета, според ново истражување на агенцијата „Галуп“. Тоа е пораст од 10% во однос на лани и далеку над просекот од 72% до 79% во периодот од 2010 и 2025 година.
- Перцепцијата кај демократските гласачи за владината корупција бележи најголем пораст од 57% на 91%, а меѓу републиканците е стабилизирана на натпросечно високи 83%.
- Сè уште нема целосни анализи на новите анкети на Галуп спроведени во 38-те земји од ОЕЦД, но се очекува САД да бидат на врвот. Просекот во ОЕЦД лани бил 59%, што е пад за 10 процентни поени од 2009 година.
- Од 2023 година, кога почнаа глобалните истражувања на Галуп, само четири од вкупно 132 земји имале повисок процент на перцепирана корупција од САД денес – 92% во Либан во 2024 и во Перу во 2025 година, и 90% во Гана и во Нигерија во 2024 година.
- Впечатливо за САД, за разлика од повеќето други земји, е што граѓаните немаат изедначен став за корупцијата во владата и во бизнисот. Додека 89% сметаат дека е присутна во владините институции, 71% ја чувствуваат во бизнисот, за 8% повеќе отколку лани.
