Вести › Набрзинка

Холандија ќе ја блокира Бугарија за во Шенген

3 декември 2022

Холандија нема да го поддржи барањето на Бугарија за влез во Шенген зоната на состанокот на Советот на ЕУ во Брисел следната недела.
Оценуваат дека Бугарија не ги исполнува потребните услови за членство во Шенген, особено во поглед на корупцијата и организираниот криминал.
Претходно холандската администрација донесе одлука да го поддржи пристапувањето на Романија и Хрватска во Шенген.
„Зошто треба да нè загрижи холандското вето за влезот на Бугарија во Шенген зоната? Ако Бугарија не заслужува влез во Шенген зоната по сите спроведени реформи и позитивни оценски мисии, како тогаш Македонија ќе добие прием во Европската Унија?“, се прашува Ивица Боцевски.

извор

Ванковска: Што ако ни преостануваат само уште два месеца?

25 ноември 2024

Нашиот народ, пак, има стара изрека: тамам сиромавиот (се мисли на најсиромашната држава во Европа, секако) се фатил за орото, а тапанот се скинал. Така и ние со членството во НАТО. За него жртвувавме и име и уставен суверенитет, се пониживме како ниту една нација на светот, станавме просјаци пред портите на воена алијанса што безмилосно ги рекетира сите свои членки за наводна безбедност.
На почетокот и јас помислив дека одлуката за употреба на западно оружје врз Русија е само последен очајнички чин на злобниот, војнохушкачки глупак, со цел да го саботира преземањето на власта од страна на Трамп. Но брзината со која овој дементен старец беше поддржан од релативно разумни, иако злобни лидери на Англија и Франција, покажува поинаква перспектива. Ова не е лична или меѓупартиска борба меѓу Бајден и Трамп. Главниот влог го има НАТО, на чие чело обично стои мистер Стрејнџлав, а сега и локните на Рада.
За да остане релевантен, НАТО мора да стори две работи: 1) да се фокусира на достоен надворешен непријател и 2) да ги натера САД да ја финансираат целата операција. Со овие два елемента, НАТО може и натаму да ги држи Русите надвор, а Германците на колена. Тоа, на крајот на краиштата, отсекогаш беше нивната примарна цел, зарем не?

извор

Почина владиката Тимотеј

25 ноември 2024

На болничко лекување поради проблеми со срцето, на 73-годишна возраст почина дебарско-кичевскиот митрополит Тимотеј, воедно и портпарол на Синодот на Македонската православна црква-Охридска архиепископија.
Роден е на 20 октомври 1951 година во Младо Нагоричане, кумановско, како Славе Јовановски. По завршување на средното богословско училиште, дипломира на Богословскиот факултет во Белград па заминува на постдипломски студии на Понтификалниот ориентален институт во Рим каде ја подготвува и докторската дисертација, но, на повик на Синодот на МПЦ, се враќа да биде предавач на Богословскиот факултет во Скопје.
Замонашен а подоцна и хиротонисан за архиереј во манастирот Бигорски.

извор