Вести › Набрзинка

Хамас повикува на бојкот на хуманитарната помош менаџирана од САД и Израел

27 мај 2025

Хуманитарната фондација за Газа, основана пред само неколку месеци со поддршка на САД и Израел, започна со достава на хуманитарна помош, но Хамас бара бојкотирање на новиот контроверзен механизам за дистрибуција.
И Обединетите нации ја критикуваа организацијата бидејќи ги прескокнува востановените канали и работата ја дава на приватни компании.
Хуманитарната организација беше формирана со објаснување дека досегашната помош била масовно злоупотребувана и крадена од Хамас.
Од друга страна, Хамас ја гледа како маска и продолжена рака на израелските власти за комплетна контрола на случувањата во Газа.

6 април 2026

Астронаутите на Артемис II кои сега се наоѓаат поблиску до Месечината отколку до Земјата, се соочуваат со многу овоземен проблем: нужникот не им работи.
Проблемите настанале веднаш по полетувањето а од тогаш тоалетот те работи, те не работи.
Астронаутите пријавиле непријатен мирис а капетанот на посадата уверува дека се добро и дека се тренирани за разни предизвици.
Дописни водоводџии на НАСА претпоставуваат дека мраз ја има заглавено одводната цевка.

6 април 2026

Бесплатно делење на јајца предизвика општ хаос во Велес - полицијата морала да интервенира за да воведе ред.
За само еден час биле поделени околу две илјади табли јајца, бесплатно делени од волонтери.
Се работело за донација од велешани кои живеат и работат во САД, односно од компанијата „Шилер“, чија дејност е камионски превоз на стока.
Поради метежот и безредието што се создале, морала да интервенира и полицијата за да воведе ред и да спречи евентуално стампедо и повреди кај граѓаните.
Луѓе земале и и по две-три табли со објаснување дека ги земаат за болни роднини или за соседи кои не можеле да дојдат.
Табла јајца е околу 300 денари.