Вести › Набрзинка

Ги примија во единство со другите, продолжија со неединство меѓу себе

18 јануари 2023

Во Бигорски манастир имаме парацрковна структура на чело со епископот Партениј, обвинува владиката Петар.
Меѓу другото, Партениј преземал ингеренции на Петар како претседател на одделот за соработка на православните цркви.
„Да му пренесат на неговата сесветост дека ние нема да дозволиме парацрковна организација во лицето на епископот Партениј, заедно со неговата структура во Бигорски и тамошните монахињите кои мешетарат во мојата епархија“, порачува владиката Петар.
ЕДИТ: Бигорски возвратија уште пожестоко: монологот на владиката бил од маргинален карактер а според правните дефиниции, ваквиот настап е говор на омраза и поттик и повик за јавен линч.

извор

На Зеленски му е малку асоцијативно членство во ЕУ

23 мај 2026

Володимир Зеленски го отфрли предлогот на германскиот канцелар Мерц за асоцијативно членство на Украина во Европската Унија, без да мора Киев да ги исполни строгите критериуми, но и да нема право на глас.
„Не е фер Украина да биде присутна во ЕУ, а да остане без глас. Време е да се продолжи со членството на Украина на целосен и значаен начин“, напиша Зеленски во писмо до европските лидери.
Тој додаде дека Украина дејствува како „бедем против руската агресија“ за целиот блок од 27 земји.
„Ја браниме Европа – целосно, не делумно и не со полумерки. Украина заслужува фер пристап и еднакви права во рамките на Европа“, додава премиерот, чија влада е потресена од низа скандали за корупција.
Европски функционери сметаат дека не е реално Украина да ги исполни условите за полноправно членство во следните неколку години. Пристапувањето бара и ратификација од сите 27 членки, што ја зголемува можноста за блокада или за развлекување на процесот.

извор

Протекле податоци на луѓе што го нарачале златниот мобилен на Трамп

23 мај 2026

Мобилниот оператор на семејството Трамп потврди дека поради безбедносна дупка протекле лични податоци за 27.224 луѓе што го нарачале новиот „златен“ мобилен телефон Т1.
На интернет биле откриени имиња, електронски и поштенски адреси на луѓето што платиле депозит за телефонот, вклучувајќи и идентификатори на нарачките.
Внатрешната истрага на TrumpMobile утврдила дека не се загрозени чувствителните финансиски податоци за платежните картички и банкарските сметки. „Нема повреди на мрежата, системите или на инфраструктурата“, изјави портпаролот Крис Вокер.
Телефонот Т1 во златна боја беше пласиран на пазарот со задоцнување од цела година. Раните купувачи се регистрираа и платија депозит од 100 долари, за да го добија телефонот по привилегирана цена од 499 долари.
Производителите отстапија од првичната најава дека телефонот целосно ќе биде произведен во САД и втиснаа погрешно американско знаме на позадината.