- 75-годишна баба е уапсена под обвинение дека е организатор на монархистичка терористичка група која сака уривање на германската република и враќање на „Кајзерот“.
- Наводно бабата заговарала монархистичка револуција, која предвидувала киднапирање на министерот за здравство и напади врз електричната мрежа на земјата, кои ќе доведат до граѓанска војна и возобновување на Пруската монархија.
- Пензионираната наставничка Елизабет Р., која ја има изгубено својата пензија заради негирање на легитимноста на модерната германска држава, властите ја водат како духовен и организациски лидер на терористичката група.
- Таа меѓу другото е и ко-автор на долги текстови во кои тврди дека Договорот од Версај, со кој се става крај на Првата светска војна, е невалиден и дека Германија правно се уште е монархија.
- Хрватската полиција во Пула го уапси украинскиот нуркач Володимир Журавлев, кого германското судство го сомничи за кревање во воздух на гасоводот „Северен тек“ во 2022 година - додека работел на филм кој се занимава токму со таа саботажа.
- Се работи за холивудски политички трилер во режија на прославениот режисер Даг Лиман (The Bourne Identity, Mr. & Mrs. Smith, Edge of Tomorrow...), со Шон Пен и Адријан Броди, директно инспириран од експлозиите кои го уништија Северен тек а следи операција на тајна екипа украински нуркачи во исклучително опасна мисија.
- Журавлев бил ангажиран на снимањето на подводните сцени каде бил лоциран и уапсен.
- Ова е трет обид за негово приведување.
- Пред две години избегна апсење во Полска од каде со автомобил на украинскиот воен аташе бил префрлен во Украина.
- Една година подоцна повторно се појави во Полска, полицијата го приведе, но полскиот суд одби да го екстрадира во Германија со образложение дека уништувањето на руската енергетска инфраструктура е легитимна воена цел во воени околности. Но, налогот за апсење од сојузниот суд во Карлсуе остана на сила.
- Владо Таневски беше новинар и сериски убиец кој за убиствата на неколку жени пишувал хонорарни статии и репортажи. Заврши со мистериозно (само)убиство во кофа вода.
- Основното јавно обвинителство за гонење на организиран криминал и корупција не утврдило основи за сомнение дека е сторено кривично дело при јавните набавки поврзани со изградбата на 19 модуларни болници.
- Биле анализирани јавните набавки, техничките спецификации, договорите, проектната документација и релевантните законски прописи.
- По анализата на сите докази и извршените проверки, Обвинителството не утврдило факти што би укажале дека службено лице ја искористило или пречекорило службената положба и овластување, или не ја извршило службената должност со цел да прибави значителна имотна корист или да предизвика значителна штета.
