- Калин Георгеску, десничарскиот кандидат што лани победи во првата рунда од поништените избори за претседател на Романија, му е забрането да учествува на повторените избори во мај.
- Централната изборна комисија го исфрли Георгеску од трката, со објаснување дека „не ги исполнува легалните услови“ и „ја нарушил обврската да ја брани демократијата“.
- „Ова е директен удар во срцето на демократијата“, оцени Георгеску, кој има право на жалба.
- Георгеску освои најмногу гласови на првата рунда во ноември, но Уставниот суд ги поништи изборите откако разузнавачи објавија дека Русија нелегално му помогнала во кампањата преку 800 профили на ТикTок.
- Полицијата во Букурешт употреби солзавец за да се одбрани од толпата што протестираше за поддршка на десничарскиот кандидат.
- Ако демократите на изборите утре освојат мнозинство во Претставничкиот дом и Сенатот, претседателот Трамп има стратегија да блокира мерки и закони од Конгресот за да ја спроведува својата политичка агенда. „Претпоставувам дека ќе станам Господин Вето. А потоа, во одреден момент, веројатно ќе склучиме договори“, изјави неодамна Трамп.
- Заменик-шефот на кабинетот Стивен Милер и директорот за буџет Расел Воут уште од март анализираат што Трамп законски може да направи сам, каде би можел да ги помести границите на своите овластувања и како да ги брани тие одлуки на суд. Идентификувале извршни мерки за имиграцијата, царините и федералните трошоци кои Трамп би можел да ги преземе без одобрение од Конгресот.
- Во првата половина од својот втор мандат Трамп се повикуваше на национални вонредни состојби за да воведува царини, да ја намали администрацијата, па дури и му објави војна на Иран без да бара дозвола од Конгресот.
- Ако Конгресот ги укине вонредните состојби, Трамп би можел да стави вето, кое може да биде поништено само со двотретинско мнозинство во двата дома.
- Сепак, нема да може да го спречи Конгресот да отвора истраги против функционери од федералната администрација за злоупотреба на овластувањата или за судир на интереси.
- Аркин Јахији од Националната алијанса за интеграција, предводена од ДУИ, е победник во вториот круг од предвремените избори за градоначалник на Брвеница, потврди Државната изборна комисија.
- Разликата била само 265 гласа: Јахији освоил 4.442, а кандидатот на ВМРО-ДПМНЕ, Стојанчо Радичевски, 4.177.
- ВМРО-ДПМНЕ го призна поразот и оцени дека е резултат на гласови од дијаспората.
- „Некогаш против бројките не се може. Успеаја да донесат бајаги луѓе од надвор коишто не живеат тука. Живеат надвор од татковината, меѓутоа, гласаа за кандидатот на ДУИ и јас би му честитал во оваа прилика“, оцени генералниот секретар на ВМРО-ДПМНЕ, Драган Ковачки.
- „Сами против сите. Ние со изборна програма и концепт, тие со поддршката на демографијата, националната карта и по некој тројанец за одвлекување на гласови“, изјави премиерот Христијан Мицкоски.
