Вести › Набрзинка

Европскиот цензор даде оставка

16 септември 2024

Главниот цензорски камшик на ЕУ, францускиот европски комесар Тиери Бретон даде неочекувана оставка обвинувајќи ја неговата шефица Урсула фон дер Лајен за политички игри зад неговиот грб.
Бретон е убеден дека Урсула на Макрон му ветила поголемо влијание на Франција во следниот состав на Европската комисија ако таму го нема него.
Бргу по оставката, Франција за комесар го кандидираше доскорешниот шеф на дипломатијата, Стефан Сежурне.
„Ова е добар ден за слободата на говорот,“ прокоментира Линда Јакарино од Икс Корп, компанијата на Маск со која имаа длабоки, непомирливи недоразбирања.

Брисел против Брисел

ЕУ го обвини сопствениот министер за внатрешен пазар на ЕУ, Тиери Бретон, дека на своја рака го објавил писмото во кое на Илон Маск му се заканува со казна доколку содржината објавена на Твитер не е во согласност со правилата на ЕУ.

извор

Учениците добија неочекувана задача од министерката

1 септември 2026

„Ако продолжиме вака, ние постојано ќе затвораме училишта. Оттука, можеби порака до првачињата: освен да бараат да стекнат знаење, можеби треба да бараат да стекнат братче или сестриче за овие привремено затворени училишта во иднина повторно да ги отвориме“, изјави министерката за об„разование, Весна Јаневска, на почетокот на школската година.
„Пред две години направивме три сликовници за прво до трето одделение, со наслов „Јас, мама, тато, дада и бато“. Се надевам дека училиштата ги користат“.
Сè што правиме е многу сериозно – инфраструктура, технологија, нови наставни програми, нови наставни помагала, учебниците се редовно снабдени. Сè со цел да им е попријатен животот на децата во Македонија. А кога на децата им е убаво, и нивните родители ќе сакаат, претпоставувам, да останат тука и ќе се охрабрат да имаат повеќе дечиња“, рече министерката.

извор

Сончевите електрани станаа главен извор на струја во Кина

1 септември 2026

Соларните инсталации во Кина за прв пат ги надминаа термоцентралите на јаглен како најголем извор на електрична енергија во земјата.
Кинеската државна телевизија соопшти дека сончевата енергија сочинува 31,5% од вкупниот инсталиран капацитет за производство на струја.
До крајот на јули, фотоволтаичните системи имаа инсталиран капацитет од 1.286 гигавати, додека капацитетот на електраните на јаглен бил 1.285 гигавати.
Во вкупниот капацитет од 4.080 гигавати учествуваат и ветерниците со 685 гигавати, хидроцентралите со 425 гигавати, нуклеарните централи со 58 гигавати и централите на гас, нафта и други горива со околу 340 гигавати.
Сепак, експанзијата на фотоволтаичните системи забавува поради промената во стандардите. Од летото минатата година Пекинг ги укина гаранциите за цените за проектите за соларна енергија и им овозможи на пазарните сили да ги одредуваат цените.

извор