- Браќата Ендрју и Тристан Тејт се уапсени во Мајами во врска со 38 нови обвинувања за силувања и други кривични дела во Британија.
- Поранешните професионални кик-боксери, кои стекнаа милиони следбеници на социјалните мрежи на кои се промовираа како мизогини алфа-мажи, во 2022 година беа уапсени во Романија поради обвиненија за силувања, сексуални престапи, организирана експлоатација на жени и трговија со луѓе. Постапката против нив беше прекината поради процедурални пропусти.
- Новите 38 обвиненија, покрај 21 претходно, се однесуваат за случаи помеѓу 2010 и 2017 година. Ендрју е обвинет за уште седум точки за силување, три точки за трговија со луѓе заради сексуална експлоатација, три за напад што резултирал со телесна повреда, како и за 19 кривични дела поврзани со непристојни снимки на деца и екстремна порнографија. Тристан е обвинет за силување, сексуален напад и трговија со луѓе.
- Британија поднесе официјално барање за екстрадиција на браќата со двојно британско-американско државјанство. Нивниот адвокат тврди дека судот во Мајами ќе ги ослободи по сослушувањето.
- Кина испуштила 15.981 милиони метрички тони стакленички гасови во 2025 година, што е околу 30% од вкупниот број во светот и 2,7 пати повеќе од САД, покажува базата на податоци EDGAR на Европската комисија.
- САД се рангираа на второ место со 6,018 милиони тони (11,4%), по што следат Индија (8,5%), Русија (4,9%) и Индонезија (2,6%).
- Петте најголеми емитери сочинуваат речиси 58% од вкупниот глобален износ.
- Емисиите повторно се зголемиле на глобално ниво, во просек 0,9%, при што емисиите на САД се зголемиле за 2,2%, на Кина се зголемиле за 0,1% и на Индија се намалиле за 0,2%.
- Вработените во шведската влада од вчера не смеат да ги користат моделите ChatGPT на OpenAI и Claude на Anthropic преку прелистувачи на своите службени компјутери, откако се појавиле безбедносни грижи поврзани со обработката на чувствителни податоци во администрацијата за транспорт.
- Само ограничен број вработени ќе смеат да продолжат да користат ChatGPT и Claude, но исклучиво преку посебна платформа развиена специјално за шведските власти.
- На другите службеници како алтернатива им е понуден Copilot на Microsoft, кој поминал низ безбедносна проверка и неговото користење е регулирано со договор со американската компанија.
- На списокот забранети алатки со ВИ во Шведска од почетокот на годинава е и кинескиот DeepSeek.
