Вести › Набрзинка

Драчево да чита и да плаче

27 јануари 2023

Во Филипини кромидот е станат толку луксузна стока што луѓе почнале да го шверцуваат во земјата.
Кило кромид се продава за 12.80 долари, трипати повеќе од пилешко. Во 2021-ва го имало за само 1,90 долари за кило.
Лани властите заплениле кромид во вредност од 11 милиони долари.

извор

Русија казнува пребарување „екстремистички“ содржини на интернет

22 јули 2025

Руските пратеници одобрија закон што предвидува казна од 5.000 рубли (64 долари) за пребарување или читање „екстремистичка содржина“ на интернет.
Законот ќе се однесува на лица што намерно пребаруваат екстремистички материјали на интернет, дури и ако користат VPN за да ја заобиколат дигиталната цензура. Министерот за дигитален развој Максут Шадев објасни дека нема да се води постапка против корисници што ненамерно отвориле екстремистички материјали. Не е објаснето како ќе се утврдува намерата.
Списокот на „екстремистички материјали“ објавен од Министерството за правда содржи повеќе од 500 страници. Наведени се Антикорупцискиот фонд, формиран од Алексеј Навални, меѓународното движење за ЛГБТ, но и американскиот технолошки гигант Мета.
Платформите Фејсбук и Инстаграм се забранети во Русија уште од 2022 година. „Време е и WhatsApp да си замине од рускиот пазар“, изјави во петокот Антон Горелкин од Комисијата за ИТ на Државната дума.

извор

Објавени документите за Мартин Лутер Кинг

22 јули 2025

Администрацијата на Доналд Трамп ги објави досието на ФБИ и ЦИА за Мартин Лутер Кинг, и покрај противењето на неговото семејство. На страниците на Националните архиви во дигитална форма се објавени документи на повеќе од 240.000 страници, кои беа запечатени со судска одлука во 1977 година.
Лидерот на движењето за човекови права и нобеловец Мартин Лутер Кинг беше застрелан во април 1968 година. Џејмс Ерл Џеј прво ја призна вината за атентатот, но потоа го повлече признанието.
„Убиството на нашиот татко со децении го привлекуваше вниманието. Но, ова е прашање од приватна природа. Документите мора да се разгледуваат во нивниот историски контекст“, оценија неговиот син Мартин Трети и ќерката Бернис. Тие го повторија семејниот став дека Џејмс Ерл Реј не е единствениот одговорен за убиството на нивниот татко.
Досието содржи документи за истрагата на ФБИ за убиството на МЛК, но и за операциите на ЦИА за следење на лидерот на движењето за граѓански права со години пред атентатот.
Трамп уште во јануари потпиша указ за отпечатување и објавување на досиејата за атентатите врз претседателот Џон Кенеди, сенаторот Роберт Кенеди и Мартин Лутер Кинг. Документи за ЏФК беа објавени во март, а за РФК во април.
Граѓански активисти тврдат дека објавувањето на документите за МЛК е обид на администрацијата на Трамп да го пренасочи вниманието на јавноста, која бара да биде објавено досието за Џефри Епстин.

извор