Вести › Набрзинка

Девет жртви на жесток руски напад врз Киев

24 април 2025

Девет луѓе загинале и повеќе од 80 се ранети во еден од најжестоките руски напади со проектили и дронови врз Киев. Градоначалникот Виталиј Кличко изјави дека спасувачи извлекуваат повредени лица од урнатини.
Во текот на ноќта Русија истрелала 70 проектили и испратила 145 дронови врз разни цели во Украина. Харков бил погоден со седум проектили и 12 дронови.
„Поминаа 44 дена откако Украина го прифати целосниот прекин на огнот предложен од САД, но Русија продолжува да убива луѓе и избегнува притисок и одговорност“, изјави претседателот Володимир Зеленски, кој поради нападите ја прекина посетата на Јужна Африка.
Доналд Трамп синоќа го критикуваше Зеленски поради тоа што го одбил американскиот мировен план што опфаќа Украина да се откаже од Крим и други територии окупирани од руските сили.

извор

САД ќе дозволат повисоки дози на зрачење од нуклеарните централи

3 јули 2026

Американските регулатори предложија разлабавување на стандардите за безбедност од зрачење на нуклеарните реактори за да се олесни и забрза изградбата на нови атомски централи.
Ќе се укине стандардот за заштита „Најниско разумно остварливо ниво“ ALARA, кој е линеарен и нема дефинирани прагови, врз основа на претпоставката дека „секоја доза на зрачење, без разлика колку е мала, носи ризици од развој на рак“. Придржувањето до стандардите ALARA е енормно скапо, зголемувајќи ја цената на изградбата и работа на реакторите за милијарди долари.
Операторите на нуклеарните централи ќе добијат поголема флексибилност да поставуваат прагови на дозволените дози на зрачење за работниците и околината, врз основа на специфичните околности и новите технологии.
Предложените измени се во согласност со наредбата на Доналд Трамп за четирикратно зголемување на американскиот капацитет за генерирање нуклеарна енергија од околу 100 гигавати во 2024 година на 400 гигавати во 2050 година.

извор

Заради пијани туристи, Сплит забранува ноќно продавање алкохол

3 јули 2026

Повраќање по улици, уринирање на јавни места, спиење по влезови, тепачки и гласно викање до раните утрински часови се неизбежен летен декор на популарните туристички дестинации како што е Сплит.
Градот ќе проба да стави крај на ова со забрана за продажба на алкохолни пијалоци во продавниците од 21 часот до 6 часот наутро.
Во јуни Брзата помош интервенирала во 50-тина случаи на алкохолизирани на јавни места, повеќе од нив млади туристи од странство.
„Ќе се изнакупуваат алкохол пред девет навечер,“ вели жител на градот кој не верува дека мерката ќе даде резултат.

извор