- Деца од битолското детско ликовно студио „Свети Кирил и Методиј“ деновиве без дозвола од родителите биле однесени во посета кај бугарски политичари, вклучително и претседателот Радев.
- Освен кај Радев и компанија, децата биле однесени и на грбот на цар Борис Трети, бугарскиот цар кој владее во време на бугарската окупација на Македонија и депортацијата на Евреите во Треблинка.
- Организаторите на посетата на Софија не ги известиле родителите на децата што ќе посетат и со кого ќе одат на средба, иако се должни да го направат тоа.
- Од Меѓаши ова го квалификуваат како „злоупотреба на деца за политички цели“, a МВР поднесе пријава за целиот настан.
- Претседател на Управниот одбор на Детското ликовно студио „Свети Кирил и Методиј“, е Славчо Неделковски, кој за време на посетата на „Мал Монмартр во Софија“ на почетокот на јули му врачи награда на Милен Врабевски, бугарскиот бизнисмен и филантроп кој ги финансираше бугарските клубови „Ванчо Михајлов“ во Битола и „Цар Борис Трети“ во Охрид, а кои беа избришани од Централен регистар. Врабевски доби награда за донацијата од 18.000 евра за „Битолски монмартр“ наречена „Мецена на годината за 2023“.
- Масите се „излезени“ надвор од застаклените тераси на кејот и пред „Торос“ и пред „Бела виста“ и се протегаат до клупите што пред неколку години ги постави Град Скопје.
- Во Старата чаршија на уличките каде што има повеќе угостителски објекти, луѓето не можат да поминат раат по тесниот простор што е оставен помеѓу „летните тераси“.
- Безредие владее и на улица „Македонија“, каде што кафулињата постепено си се шират по еден ред повнатре на шеталиштето, а некои од нив, на пример „Студио 54“ буквално има поставено маси и столици по целата ширина на улицата.
- За давање дозволи за поставување урбана опрема на овие локации, кои воедно се најпосетени и од туристите што сѐ повеќе ги има низ Скопје, надлежен е Град Скопје. Оттаму убедуваат дека константно работат да воведат ред во поставувањето урбана опрема на улица Македонија, на кејот и во Старата чаршија и дека сè уште не се издадени дозволи за летните тераси, пишува Слободен печат.
- Бројот на имигранти во земјите од ЕУ лани достигнал историски максимум од 64,2 милиони, објави Центарот за истражување и анализа на миграцијата RFBerlin. Ова е за 2,1 милион повеќе од 2024 година и за 24 милиони повеќе отколку во 2010 година.
- Најмногу имигранти има во Германија – 18 милиони, што е за 70% повеќе отколку во 2010 година. Имигрантите сочинуваат 21% од вкупното население во Германија, од кои 72% се на работоспособна возраст. Германија, исто така, е домаќин на убедливо најголем број бегалци во ЕУ – вкупно 2,7 милиони.
- Шпанија има најбрз раст на дојденци. Нивниот број лани се зголемил за 700.000 и достигнал 9,5 милиони.
- Имигрантите во Луксембург сочинуваат дури 52% од населението, далеку над просекот во ЕУ од 14%. Во Малта ги има 32% од вкупниот број жители, во Кипар 28%, а во Австрија 23%.
- Словачка, Бугарија и Полска имаат најниско ниво на имигранти, под 5%.
- Во 2025 година, во ЕУ имало 669.365 барања за азил, што е намалување од 26,6% во споредба со 2024 година. Три четвртини од барањата се поднесени во Шпанија, Италија, Франција и Германија.
