Вести › Набрзинка

Нова потрага по малезискиот авион што исчезна пред 11 години

3 декември 2025

На 30 декември ќе продолжи потрагата по малезискиот патнички авион од летот MH370 што исчезна пред повеќе од една деценија, објави малезиското Министерство за транспорт.
Робот од американската компанија Ocean Infinity доби дозвола 55 дена да пребарува површина од 15.000 квадратни километри на дното на океанот. Според договорот, ќе добие 70 милиони евра ако најде остатоци од авионот.
На 8 март 2014 година авионот со 227 патници и 12 члена на екипаж исчезна од радарите набрзо откако летна од Куала Лумпур кон Пекинг.
Беа пребарани 120.000 квадратни километри во океанот и на брегот, но до денес не се знае што се случило со авионот. Не се пронајдени тела и големи остатоци од боингот 777.

3 април 2026

Образовните власти во Флорида им забранија на јавните универзитети да вклучуваат курсеви по социологија, како дел од мерките на гувернерот Рон ДеСантис против актуелниот модел на образование во оваа федерална држава.
Потегот е реакција на гневот и отпорот од страна на професорите по социологија и синдикатите на факултетите во врска со новите учебници, опишани како „навреда на академската слобода“ и „осиромашена верзија на науката“.
Властите ја гледаат социологијата како научна маска зад која се кријат идеолошки и родови агенди. Еден од ректорите на јавен универзитет од Фллорида изјави: „Ние не ја убивме социологијата, таа изврши самоубиство.“

2 април 2026

Додека земјата се справува со длабока економска промена, Русите треба да размислат да работат по 12 часа дневно, шест дена во неделата, предлага рускиот милијардер Олег Дерипаска.
Рускиот крал на алуминиумот смета дека рускиот народ треба да се потпре на својот главен национален ресурс - во тешки моменти да се здружи и да запне.
„Колку побрзо се префрлиме на ова ново работно време - од 8 часот наутро до 20 часот навечер, вклучувајќи ги и саботите - толку побрзо ќе ја завршиме неопходната трансформација“, напиша индустрискиот магнат.
Олег Дерипаска има 58 години, сопственик е на алуминиумскиот гигант “Русал” и неговото богатство пред инвазијата се проценуваше на 3,8 милијарди, подоцна падна на 1,7 милијарди милијарди долари. Кога беше најјак, имаше 28 милијарди.