Вести › Набрзинка

Бугарија испишува „црна листа“ на македонски новинари, политичари, професори…

27 јануари 2023

Постои бугарска „црна листа“ на која се наоѓаат лица од Македонија за кои Бугарија смета дека работат против бугарските интереси, па тие нема да можат да стапнат на бугарска територија, тврди аналитичарот Синиша Пекевски.
„Вазалската политика на нашите неспособни политичари си го зема данокот. Постојано ја веднат главата, никогаш немаат став, секогаш се правдаат и на крајот, кога некој ќе намириса дека може да оди до крај, тогаш тој без проблем оди до крај“, вели Пекевски предурпедувајќи дека допрва ќе се соочиме со бугарската суровост.
„Во ниеден момент не покажавме јасен став до каде може да се оди, туку постојано им попуштавме на соседите“, потсетува тој.

* Ако „бугарските интереси“ се да ни го негираат самоопределувањето, националното чувство, јазикот... тогаш работењето против бугарските интереси е должност на секој Македонец, а присуство на таа нивна „црна листа“ ќе биде македонски медал на честа.

извор

Трамп ќе го средува и Чикаго

23 август 2025

Претседателот Доналд Трамп најави дека Чикаго ќе биде следниот голем град во САД кој федералните власти ќе го чистат од криминал, бездомници и нелегални мигранти.
Трамп неодамна со извршна наредба нареди распоредување на 2.000 војници во главниот град за да помогнат во борбата против уличното насилство. Пентагон вчера им наредил на воени патроли во Вашингтон да носат оружје, иако досега немало извештаи дека се соочиле со закани откако се распоредени.
„Мислам дека Чикаго ќе биде следниот. А потоа ќе му помогнеме и на Њујорк. Чикаго е во хаос. Луѓето таму врескаат за да дојдеме“, им изјави Трамп на репортерите во Белата куќа.
Градоначалникот Брендон Џонсон изјави дека го смета предупредувањето од Трамп за сериозно, но не добил никаква официјална порака во таа насока од федералната администрација.
„Пристапот на Трамп е некоординиран, неоправдан и неоснован. Има многу работи што федералната влада би можела да ги направи за да ни помогне да го намалиме криминалот и насилството во Чикаго, но испраќањето војска не е едно од нив“, изјави Џонсон.

извор

Шефот на холандската дипломатија даде оставка поради молкот за Газа

23 август 2025

Шефот на холандската дипломатија Каспар Велдкамп поднесе оставка поради тоа што не успеал да ја убеди владата да воведе санкции за Израел поради војната во Газа и плановите за понатамошна окупација на Западниот Брег.
„Се соочив со отпор во кабинетот. Чувствувам дека не сум во можност да ја спроведам политиката и да ја трасирам насоката која сметам дека е неопходна“, изјави Велдкамп, поранешен холандски амбасадор во Израел.
Заедно со Велдкамп се повлекоа сите членови на кабинетот од неговата умерена десничарска партија Нов социјален договор. „Накратко, завршивме. Израелските акции се дијаметрално спротивни на меѓународните договори“, изјави лидерот на партијата, Еди ван Хијум.
Парламентот на Холандија упорно ја одложува дебатата за воведување санкции за Израел. Велдкамп бараше забрана за увоз на стока произведена од израелските доселеници на Западниот Брег. „Има глад, етничко чистење и геноцид. Нашиот кабинет заседава со часови дали да преземе каква било акција. Срамно“, коментира опозициската пратеничка Кати Пири.
Оставките ја продлабочуваат политичката криза во Холандија. Владата падна во јуни откако десничарскиот блок на Геерт Вилдерс се повлече од коалицијата поради неспроведување на неговата политика за имигрантите. Вонредни избори се закажани за во октомври.

извор